മുഹമ്മദ് ഇസ്മായില്‍ പ്രയാസങ്ങളില്ലാത്ത ലോകത്തേക്ക് യാത്രയായി
വൃക്ക സംബന്ധമായ അസുഖത്തെ തുടര്‍ന്ന് ദീര്‍ഘനാളായി ചികില്‍സയിലായിരുന്നു ഈ പതിനൊന്ന് വയസുകാരന്‍
അജാനൂര്‍: പ്രിയപ്പെട്ടവരില്‍ കണ്ണീര്‍ ബാക്കിയാക്കി മുഹമ്മദ് ഇസ്മായില്‍ പ്രയാസങ്ങളില്ലാത്ത ലോകത്തേക്ക് യാത്രയായി. വൃക്ക സംബന്ധമായ അസുഖത്തെ തുടര്‍ന്ന് ദീര്‍ഘനാളായി ചികില്‍സയിലായിരുന്നു ഈ പതിനൊന്ന് വയസുകാരന്‍. നിലേശ്വരം തൈകടപ്പുറത്തെ മൊയ്തുവിന്റെയും മാണിക്കോത്ത് മഡിയനിലെ മിസിരിയയുടെയും മകനാണ് മുഹമ്മദ് ഇസ്മായില്‍. മംഗലാപുരം ആശുപത്രിയില്‍ വെച്ച് ഇന്ന് രാവിലെയാണ് മരണപ്പെട്ടത്. മാവുങ്കാല്‍ റോട്ടറി സ്‌കൂളിലെ പ്രീപ്രൈമറി വിദ്യാര്‍ഥിയാണ് സഹോദരിമാര്‍: ഫാത്തിമ, ശംല, റൈഹാന, ഹാജറ.