വ്യക്തിത്വ അവകാശങ്ങള് സംരക്ഷിക്കണം; ഡല്ഹി ഹൈക്കോടതിയെ സമീപിച്ച് മോഹന്ലാല്
ന്യൂഡല്ഹി: വ്യക്തിത്വ അവകാശങ്ങള് സംരക്ഷിക്കണമെന്നാവശ്യപ്പെട്ട് മോഹന്ലാല് ഡല്ഹി ഹൈക്കോടതിയില്. പേര്, ശബ്ദം, ചിത്രങ്ങള് അടക്കമുള്ളവയുടെ അനുമതി കൂടാതെയുള്ള ഉപയോഗം അവസാനിപ്പിക്കണമെന്ന് ആവശ്യപ്പെട്ടുള്ള ഹരജിയാണ് നല്കിയിരിക്കുന്നത്. ഹരജി നാളെ ഡല്ഹി ഹൈക്കോടതി പരിഗണിക്കും. ജസ്റ്റിസ് ജ്യോതി സിങാണ് ഹരജി കേള്ക്കുക. ഇതേ ആവശ്യം ഉന്നയിച്ച് സിനിമാ, ക്രിക്കറ്റ് മേഖലയില് നിന്നുള്ളവരും മറ്റ് സെലിബ്രിറ്റികളും സമീപ വര്ഷങ്ങളില് ഡല്ഹി ഹൈക്കോടതിയെ സമീപിച്ചിരുന്നു. പ്രധാനമായും പരസ്യങ്ങള്, ഉല്പന്നങ്ങള്, നിര്മ്മിത ബുദ്ധി ഉപയോഗിച്ച് സൃഷ്ടിക്കുന്ന ഉള്ളടക്കങ്ങള് എന്നിവയിലാണ് പ്രശസ്തരുടെ ശബ്ദവും ചിത്രങ്ങളുമൊക്കെ അനുമതിയില്ലാതെ ഉപയോഗിക്കപ്പെടുന്നത്. ഹരജിക്കാരുടെ വ്യക്തിത്വ അവകാശങ്ങള് സംരക്ഷിച്ചുകൊണ്ടുള്ള വിധികളാണ് കോടതി ഇതിനകം പുറപ്പെടുവിച്ചിട്ടുള്ളത്.