തദ്ദേശ തിരഞ്ഞെടുപ്പ്; കട്ടപ്പനയില് കോണ്ഗ്രസിന് നാലു വിമതര്; ആറു പേര് പത്രിക പിന്വലിച്ചു
ഇടുക്കി: കട്ടപ്പന നഗരസഭയില് കോണ്ഗ്രസിന് നാലു വിമതര്. 6, 23, 31, 33, ഡിവിഷനുകളിലാണ് വിമതര് മല്സരിക്കുന്നത്. 10 ഡിവിഷനുകളില് മല്സരിക്കാനായിരുന്നു ആദ്യ തീരുമാനം. നേതൃത്വം ഇടപെട്ട് നടത്തിയ ചര്ച്ചയെ തുടര്ന്ന് ആറു പേര് പത്രിക പിന്വലിച്ചു. ആറാം വാര്ഡില് മുന് നഗരസഭ ചെയര്പേഴ്സണ് ഷൈനി സണ്ണി ചെറിയാനെതിരേ വിമതനായി മണ്ഡലം ജനറല് സെക്രട്ടറി റിന്റോ സെബാസ്റ്റ്യനും, വാര്ഡ് 24ല് മുന് വൈസ് ചെയര്മാന് കെ ജെ ബെന്നിക്കെതിരേ മഹിളാ കോണ്ഗ്രസ് ജില്ലാ സെക്രട്ടറി മായ ബിജു മല്സരിക്കും.
33ാം വാര്ഡില് മുന് വൈസ് ചെയര്മാന് ജോയ് ആനിത്തോട്ടത്തിലിനെതിരേ മുന് ബ്ലോക്ക് സെക്രട്ടറി ജോബി സ്റ്റീഫനും വാര്ഡ് 31ല് കേരള കോണ്ഗ്രസിലെ മേഴ്സികുട്ടി ജോഫിനെതിരേ മുന് നഗരസഭ ചെയര്പേഴ്സണ് ബീന ജോബിയും മല്സരിക്കും. കട്ടപ്പന ടൗണ് വാര്ഡില് യുഡിഎഫിന് രണ്ടു സ്ഥാനാര്ഥികളുണ്ട്. കോണ്ഗ്രസിനും കേരള കോണ്ഗ്രസിനുമാണ് ഔദ്യോഗിക സ്ഥാനാര്ഥികള്. നെടുംകണ്ടം പഞ്ചായത്തിലെ 16ാം വാര്ഡിലും രാജാക്കാട് പഞ്ചായത്തിലെ ഒന്പതാം വാര്ഡിലും മുസ്ലിം ലീഗ് അംഗങ്ങള് സ്വതന്ത്രരായി മല്സരിക്കും. കുമളി പഞ്ചായത്തിലെ നൂലാംപാറ വാര്ഡില് സിപിഐ മുന് ലോക്കല് സെക്രട്ടറി സജി വെമ്പള്ളിയും വിമതനായി രംഗത്തുണ്ട്.