ലിവര്പൂളിനെ തകര്ത്ത് എഫ്എ കമ്മ്യൂണിറ്റി ഷീല്ഡ് ജേതാക്കളായി ക്രിസ്റ്റല് പാലസ്
നാലുമാസത്തിനിടെ പാലസിന്റെ രണ്ടാം കിരീടമാണിത്
ലണ്ടന് ഇംഗ്ലണ്ടിലിത് പാലസിന്റെ കാലമാണ്. 119 വര്ഷങ്ങള്ക്കിപ്പുറം ആദ്യ കിരീടത്തില് മുത്തമിട്ടതിന് പിന്നാലെ എഫ്എ കമ്മ്യൂണിറ്റി ഷീല്ഡിലെ നേട്ടം. വെംബ്ലി സ്റ്റേഡിയത്തില് നടന്ന മല്സരത്തില് പ്രീമിയര് ലീഗ് ജേതാക്കളായ ലിവര്പൂളുമായി നിശ്ചിത സമയത്തും അധിക സമയത്തും ഇരു ടീമുകളും 2-2 എന്ന നിലയില് സമനില പാലിച്ചു.
പുതിയ സൈനിംങുകളായ് വിര്ട്സിന്റെ അസിസ്റ്റില് നിന്ന് മത്സരത്തിന്റെ നാലാം മിനിറ്റില് ഹ്യൂഗോ എകിറ്റികെ ലിവര്പൂളിനായി ആദ്യ ഗോള് നേടി.
എന്നാല് 17-ാം മിനിറ്റില് ലഭിച്ച പെനാല്റ്റി ഗോളാക്കി മാറ്റി ജീന്-ഫിലിപ്പ് മാറ്റേറ്റ ക്രിസ്റ്റല് പാലസിനെ ഒപ്പമെത്തിച്ചു. 21-ാം മിനിറ്റില് മറ്റൊരു പുതിയ താരം ജെറമി ഫ്രിംപോങ് ലിവര്പൂളിന് വീണ്ടും ലീഡ് നല്കി. രണ്ടാം പകുതിയില് ശക്തമായി തിരിച്ചുവന്ന പാലസ് 77-ാം മിനിറ്റില് ഇസ്മായില സാറിന്റെ ഗോളിലൂടെ ക്രിസ്റ്റല് പാലസ് വീണ്ടുംഒപ്പമെത്തി.
തുടര്ന്ന് പെനാല്റ്റി ഷൂട്ടൗട്ടിലേക്കു നീങ്ങിയ മല്സരത്തില് ഗോള്കീപ്പര് ഹെന്ഡേഴ്സന്റെ മികവില് 3-2 എന്ന സ്കോറിന് വിജയിക്കുകയായിരുന്നു. പെനാല്റ്റി ഷൂട്ടൗട്ടില് ലിവര്പൂളിന്റെ മുഹമ്മദ് സലാഹിന്റെ ഉള്പ്പടെ മൂന്ന് സേവുകളായിരുന്നു ഹെന്ഡേഴ്സന് നേടിയത്.എഫ്എ കമ്മ്യൂണിറ്റി ഷീല്ഡ് കിരീടം ഇതാദ്യമായാണ് ക്രിസ്റ്റല് പാലസ് സ്വന്തമാക്കുന്നത്