പണം വാങ്ങി ടിക്കറ്റ് നല്കിയില്ല; കെഎസ്ആര്ടിസി കണ്ടക്ടര് വിജിലന്സ് പിടിയില്
ഇടുക്കി: പണം വാങ്ങി ടിക്കറ്റ് നല്കാതിരുന്ന കെഎസ്ആര്ടിസി കണ്ടക്ടര് വിജിലന്സ് പിടിയില്. കെഎസ്ആര്ടിസി മൂന്നാര് ഡബിള് ഡക്കര് ബസിലെ ഡ്രൈവറും കണ്ടക്ടറുമായ പ്രിന്സ് ചാക്കോയാണ് പിടിയിലായത്.
മൂന്നാറില് നിന്നും ചിന്നക്കനാലിലേക്കുള്ള യാത്രയ്ക്കിടെയാണ് സംഭവം. വേഷം മാറി ബസില് കയറിയ വിജിലന്സ് ഉദ്യോഗസ്ഥര് ചിന്നക്കനാലില് നിന്നാണ് ചാക്കോയെ പിടികൂടിയത്. ടിക്കറ്റ് തുകയായ 400 രൂപ യാത്രക്കാരനില് നിന്നും വാങ്ങിയ പ്രിന്സ് ചാക്കോ ടിക്കറ്റ് നല്കിയിരുന്നില്ല. ഇതിനെ തുടര്ന്നാണ് വിജിലന്സ് ഉദ്യോഗസ്ഥര് അറസ്റ്റുചെയ്തത്. കണ്ടക്ടര്ക്കെതിരെ വകുപ്പുതല നടപടികള് സ്വീകരിക്കുമെന്ന് കെഎസ്ആര്ടിസി അറിയിച്ചു.