ജെറുസലേം: ഇസ്രായേലില് ഇറാനിയന് മിസൈല് ആക്രമണത്തില് ഒരാള് മരിച്ചു.പരിക്കേറ്റവരെ ഉടന് തന്നെ ആശുപത്രിയില് പ്രവേശിപ്പിച്ചു എന്നാണ് റിപോര്ട്ടുകള്. ഇറാനുമായുള്ള ഇസ്രായേലിന്റെ തുടര്ച്ചയായ യുദ്ധത്തില് മരിച്ചവരുടെ എണ്ണം ഇതോടെ 11 ആയി.
അതേസമയം, ഇറാന് യുദ്ധം ചെയ്യുന്നത് സ്വന്തം ഇഷ്ടപ്രകാരമല്ല, മറിച്ച് നിര്ബന്ധം കൊണ്ടാണ് എന്ന് ഇറാന് വിദേശകാര്യ മന്ത്രാലയ വക്താവ് ഇസ്മാഈല് ബഖായി പറഞ്ഞു. യുദ്ധം രാജ്യത്തിന്റെ മേല് അടിച്ചേല്പ്പിക്കപ്പെട്ടുവെന്നും അദ്ദേഹം കൂട്ടിച്ചേര്ത്തു.
ടെഹ്റാനില് നടന്ന പത്രസമ്മേളനത്തില് വെടിനിര്ത്തലിന് മധ്യസ്ഥത വഹിക്കാനുള്ള സാധ്യതയെക്കുറിച്ച് ചോദിച്ചപ്പോള്, അത്തരം കാര്യങ്ങളെക്കുറിച്ച് ഇപ്പോള് സംസാരിക്കുന്നത് തെറ്റാണെന്ന് അദ്ദേഹം പറഞ്ഞു.
സൈനിക സംഘര്ഷം തുടരുമ്പോള്, ദേശീയ പ്രതിരോധം ഒഴികെയുള്ള മറ്റൊരു വിഷയവും ചര്ച്ച ചെയ്യുന്നത് അനുചിതമാണെന്ന് അദ്ദേഹം വ്യക്തമാക്കി. ഇറാന് ഈ യുദ്ധം ആരംഭിച്ചതല്ലെന്നും രാജ്യം സ്വയം പ്രതിരോധിക്കാന് പോരാടുകയാണെന്നും അദ്ദേഹം കൂട്ടിച്ചേര്ത്തു.