ഇറാനെ ആക്രമിച്ച് ഇസ്രായേല് ; ഇസ്ഫഹാന് നഗരത്തില് മിസൈല് ആക്രമണം, വ്യോമ ഗതാഗതം നിര്ത്തിവെച്ചു
തെഹ്റാന്: ഇറാനെതിരെ തിരിച്ചടിച്ച് ഇസ്രായേല്. ഇറാനിലെ ഇസ്ഫഹാന് നഗരത്തിലാണ് ഇസ്രായേല് മിസൈല് ആക്രമണം നടത്തിയത്. ഉഗ്ര സ്ഫോടനം ഉണ്ടായതായിട്ടാണ് റിപോര്ട്ട്. മിസൈല് ആക്രമണത്തെ തുടര്ന്ന് ഇറാനിലെ പ്രധാന നഗരങ്ങളില് വ്യോമഗതാഗതം നിര്ത്തിവച്ചു. രാജ്യം അതീവ ജാഗ്രതയിലാണ്.
അതേസമയം, ഇറാന് പിടിച്ചെടുത്ത കപ്പലിലെ നാവികര്ക്ക് മടങ്ങാന് തടസ്സമില്ലെന്ന് സര്ക്കാര് വൃത്തങ്ങള് അറിയിച്ചു. 16 ഇന്ത്യക്കാര് കപ്പലില് തുടരുന്നത് കപ്പല് നിയന്ത്രിക്കാന് ജീവനക്കാര് വേണം എന്നതിനാല് മാത്രമാണ്. ജീവനക്കാര്ക്ക് എപ്പോള് വേണമെങ്കിലും മടങ്ങാമെന്ന് ഇറാന് അറിയിച്ചു. പശ്ചിമേഷ്യന് സംഘര്ഷം അവസാനിപ്പിക്കാന് ഇന്ത്യ ഇടപെടണമെന്നും ഇറാന് ആവശ്യപ്പെട്ടു.