ഇസ്രായേലിലെ പത്ത് പ്രദേശങ്ങളില്‍ മിസൈലിട്ട് ഇറാന്‍ (വീഡിയോ)

തെല്‍അവീവ്: യുഎസ് ആക്രമണത്തിന് പിന്നാലെ ഇസ്രായേലിലെ പത്ത് പ്രദേശങ്ങളില്‍ മിസൈല്‍ ആക്രമണം നടത്തി ഇറാന്‍. തെല്‍അവീവ്, ഹൈഫ, ജറുസലേം എന്നീ പ്രദേശങ്ങളില്‍ അടക്കം ആക്രമണങ്ങള്‍ നടന്നതായി ഇസ്രായേലി മാധ്യമങ്ങള്‍ റിപോര്‍ട്ട് ചെയ്തു. നിരവധി പേര്‍ക്ക് പരിക്കേറ്റിട്ടുണ്ട്.

വലിയ നാശമാണുണ്ടായതെന്ന് മധ്യ ഇസ്രായേലിലെ പാരാമെഡിക്കായ മോതി നിസാന്‍ പറഞ്ഞു.

''രണ്ട് നിലകളുള്ള നിരവധി റെസിഡന്‍ഷ്യല്‍ കെട്ടിടങ്ങള്‍ക്ക് സാരമായ കേടുപാടുകള്‍ സംഭവിച്ചു, ചിലത് തകര്‍ന്നു. ആക്രമണത്തിന് മുമ്പ്, ഭീഷണികളെ തടയാന്‍ പ്രതിരോധ സംവിധാനങ്ങള്‍ പ്രവര്‍ത്തിക്കുന്നുണ്ടെന്ന് സൈന്യം പറഞ്ഞിരുന്നു. പക്ഷേ, അതുണ്ടായില്ല.''-നിസാന്‍ പറഞ്ഞു.