കേരളത്തില് നിന്നുള്ള അന്തര് സംസ്ഥാന സ്വകാര്യ ബസുകള് നാളെ മുതല് സര്വീസ് നിര്ത്തിവെക്കുന്നു
തമിഴ്നാട്, കര്ണാടക സംസ്ഥാനങ്ങളിലെ അന്യായ നികുതിയില് പ്രതിഷേധിച്ചാണ് തീരുമാനം, ബെംഗളൂരു, ചെന്നൈ യാത്രക്കാര് ദുരിതത്തിലാകും
കൊച്ചി: കേരളത്തില് നിന്നുള്ള അന്തര് സംസ്ഥാന സ്വകാര്യ ബസുകള് നാളെ മുതല് സര്വീസ് നിര്ത്തിവെക്കുന്നു. തമിഴ്നാട്, കര്ണാടക സംസ്ഥാനങ്ങളിലെ അന്യായ നികുതിയില് പ്രതിഷേധിച്ചാണ് നാളെ മുതല് കോണ്ട്രാക്ട് കാരിയേജ് ബസ് സര്വീസുകള് നിര്ത്തിവെച്ച് പ്രതിഷേധിക്കുന്നത്. കേരളത്തില് നിന്നും ബെംഗളൂരുവിലേക്കും ചെന്നൈയിലേക്കുമടക്കം സര്വീസ് നടത്തുന്ന സ്ലീപ്പര്, സെമി സ്ലീപ്പര് ലക്ഷ്വറി ബസുകളാണ് സര്വീസ് നിര്ത്തിവെക്കുന്നത്.
അഖിലേന്ത്യ പെര്മിറ്റുണ്ടായിട്ടും തമിഴ്നാട്ടിലും കര്ണാടകയിലുമടക്കം അന്യായമായ നികുതി ചുമത്തുകയാണെന്നാണ് ആരോപണം. അന്യായമായി വാഹനം പിടിച്ചെടുത്ത് പിഴയീടാക്കുകയാണെന്നും ഇവര് പറയുന്നു. ബസ് സര്വീസ് നിര്ത്തിവെക്കുന്നത് ബെംഗളൂരുവിലേക്കും ചെന്നൈയിലേക്കും പോകുന്ന യാത്രക്കാരെ ദുരിതത്തിലാക്കും. കേരളത്തില് നിന്ന് തിരുവനന്തപുരം മുതല് കാസര്കോട് വരെയുള്ള ജില്ലകളില് നിന്നായി ബെംഗളൂരുവിലേക്കടക്കം നിരവധി സ്വകാര്യ ബസുകളാണ് സര്വീസ് നടത്തുന്നത്.