കോഴിക്കോട്: ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റ് (ഐഐഎം) കോഴിക്കോടിന്റെ നേതൃത്വത്തിൽ നടന്ന 2025 കോമൺ അഡ്മിഷൻ ടെസ്റ്റ് (CAT) ഫലം പ്രസിദ്ധീകരിച്ചു. ഈ വർഷം പരീക്ഷ എഴുതിയവരിൽ 12 പേർക്ക് 100 പെർസന്റൈലും 26 പേർക്ക് 99.99 പെർസന്റൈലും ലഭിച്ചു.
ഡിസംബർ നാലിന് നടന്ന പരീക്ഷയിൽ 2.95 ലക്ഷം ഉദ്യോഗാർഥികളാണ് പങ്കെടുത്തത്.
100 പെർസന്റൈൽ നേടിയവരിൽ മൂന്ന് പേർ ഡൽഹിയിൽ നിന്നും, ഹരിയാനയും ഗുജറാത്തും രണ്ട് പേർ വീതവും, ഉത്തർ പ്രദേശ്, കർണാടക, മഹാരാഷ്ട്ര, ജാർഖണ്ഡ്, ഒഡീഷ സംസ്ഥാനങ്ങളിൽ നിന്ന് ഓരോരുത്തർ വീതവും ആണ്.
പരീക്ഷ എഴുതിയ ഉദ്യോഗാർഥികൾക്ക് ഔദ്യോഗിക വെബ്സൈറ്റായ iimcat.ac.in സന്ദർശിച്ച് സ്കോർ കാർഡുകൾ ഡൗൺലോഡ് ചെയ്യാം. കാറ്റ് സ്കോറിനും ബന്ധപ്പെട്ട സ്ഥാപനങ്ങളുടെ മാനദണ്ഡങ്ങൾക്കും അടിസ്ഥാനമാക്കി ഐഐഎമ്മുകൾ പ്രത്യേക ഷോർട്ലിസ്റ്റുകൾ പ്രസിദ്ധീകരിക്കും.
രാജ്യത്തെ ഐഐഎമ്മുകൾക്ക് പുറമെ 93 ഐഐഎം ഇതര സ്ഥാപനങ്ങളിലേക്കുള്ള പ്രവേശനത്തിനും കാറ്റ് സ്കോറുകൾ പരിഗണിക്കുമെന്ന് അധികൃതർ അറിയിച്ചു