'ബിജെപി സ്ഥാനാര്ഥി ഇല്ലെങ്കില് ആ പാര്ട്ടിക്കാരനായ ഞാന് എവിടെപ്പോയി വോട്ട് ചെയ്യണം, വൃത്തികെട്ട തിരഞ്ഞെടുപ്പ് സംവിധാനമാണ്'; വോട്ടിങ് മെഷീനില് നോട്ടയില്ലാത്തിനെതിരേ പി സി ജോര്ജ്
പി സി ജോര്ജിന്റെ വാര്ഡില് എന്ഡിഎക്ക് സ്ഥാനാര്ഥിയില്ല
പൂഞ്ഞാര്: വോട്ടിങ് മെഷീനില് നോട്ടയില്ലാത്തതിനെതിരേ പൊട്ടിത്തെറിച്ച് ബിജെപി നേതാവ് പി സി ജോര്ജ്. നോട്ടയില്ലാത്തത് വൃത്തികെട്ട തിരഞ്ഞെടുപ്പ് സമ്പ്രദായമാണെന്നും പി സി ജോര്ജ് പറഞ്ഞു. പി സി ജോര്ജിന്റെ വാര്ഡില് എന്ഡിഎയ്ക്ക് സ്ഥാനാര്ഥി ഉണ്ടായിരുന്നില്ല. അതിനാല് നോട്ടയ്ക്ക് വോട്ടു ചെയ്യാന് കഴിയുന്നില്ലെന്നാണ് പി സി ജോര്ജിന്റെ വാദം. എന്നാല് ഇഷ്ടപ്പെട്ടൊരാള്ക്ക് വോട്ടു ചെയ്തെന്നും ഇലക്ഷന് കമ്മീഷന്റേത് വിവരക്കേടാണെന്നും പി സി ജോര്ജ് പറഞ്ഞു.
ഇവിടെ രണ്ടു സ്ഥാനാര്ഥികളാണ്. ഇതിലൊരാള്ക്ക് വോട്ടു ചെയ്യാം. എന്നാല് നോട്ടക്ക് വോട്ടു ചെയ്യാന് സാധിക്കില്ല. ഒരാള്ക്ക് ഞാന് വോട്ട് ചെയ്തു എന്നത് വേറെ കാര്യം. നോട്ട വേണ്ടേ? തിരഞ്ഞെടുപ്പ് കമ്മീഷന് എന്ത് നിയമമാണ് ഉണ്ടാക്കിയിരിക്കുന്നത്. വിവരക്കേട് കാണിക്കുകയാണോ. എനിക്ക് നോട്ടക്ക് വോട്ടു ചെയ്യണമെന്ന് കരുതിയാല് എവിടെപ്പോയി വോട്ടു ചെയ്യും. അത് എന്റെ അവകാശമല്ലേ. വൃത്തികെട്ട തിരഞ്ഞെടുപ്പ് സംവിധാനമാണ്. ഇതില് എനിക്ക് പരാതിയുണ്ട്. ബിജെപി സ്ഥാനാര്ഥി ഇല്ലെങ്കില് ആ പാര്ട്ടിക്കാരനായ ഞാന് എവിടെപ്പോയി വോട്ടു ചെയ്യണം. നോട്ടക്ക് അല്ലെ ചെയ്യാന് പറ്റൂ എന്ന് പി സി ജോര്ജ് പറഞ്ഞു.