ഹൈദരാബാദ്: ഹൈദരാബാദ് മലയാളി ഹല്ഖ മാര്ച്ച് 16ന് ടോളിചൗക്കിയിലെ അജ്വ കണ്വെന്ഷനില് വാര്ഷിക ഇഫ്താര് സംഗമം സംഘടിപ്പിച്ചു. ജമാഅത്തെ ഇസ്ലാമി തെലങ്കാന അമീര് പ്രഫ. മുഹമ്മദ് ഖാലിദ് മുബഷിര് ഉസ്സഫര് ഉദ്ഘാടനം ചെയ്തു. ഹൈദരാബാദ് മലയാളി ഹല്ഖ പ്രസിഡന്റ് അബ്ദുല് റഹ്മാന് അധ്യക്ഷത വഹിച്ചു. പി വി കെ. രാമന് (ഓള് ഇന്ത്യ മലയാളി അസോസിയേഷന്, തെലങ്കാന പ്രസിഡന്റ്), പ്രഫ. ടി ടി ശ്രീകുമാര് ഡോ. മുബഷിര് വാഫി തുടങ്ങിയവര് പരിപാടിയില് ആശംസകള് അര്പ്പിച്ചു സംസാരിച്ചു. ഹല്ഖ സെക്രട്ടറി തസ്നീം സ്വാഗതവും ഹല്ഖ വനിതാ വിഭാഗം പ്രസിഡന്റ് സുമയ്യ അബ്ദുല് റസാഖ് നന്ദിയും പറഞ്ഞു.