സൗത്താഫ്രിക്ക: ലോകമെമ്പാടും വളര്ന്നുവരുന്ന അസമത്വം സാമൂഹിക വിഭജനങ്ങള് വര്ധിപ്പിക്കുന്നുവെന്നും ഇത് ആഗോള സ്ഥിരതയ്ക്ക് ഭീഷണിയാണെന്നും സൗത്ത് ആഫ്രിക്കന് പ്രസിഡന്റ് സിറില് റാമഫോസ. വ്യാഴാഴ്ച കേപ് ടൗണില് നടന്ന അന്താരാഷ്ട്ര വനിതാ ഫോറത്തില് സംസാരിക്കുകയായിരുന്നു അദ്ദേഹം. പുതിയ ജി 20 റിപോര്ട്ട് ഒരു മുന്നറിയിപ്പാണെന്നും അദ്ദേഹം ചൂണ്ടിക്കാട്ടി.
ഏറ്റവും ധനികരായ ഒരു ശതമാനം എങ്ങനെ സമ്പത്തിലേക്ക് കേന്ദ്രീകരിക്കുന്നെന്നും അതേസമയം ദരിദ്രര് പിന്നോട്ട് പോകുന്നത് എങ്ങനെയാണെന്നും കണ്ടെത്തലുകള് കാണിക്കുന്നുവെന്ന് അദ്ദേഹം പറയുന്നു.
Report on G20 Task Team on Inequality #G20SouthAfrica https://t.co/CO5FlrYUCE
— Cyril Ramaphosa 🇿🇦 (@CyrilRamaphosa) November 4, 2025
2000നും 2024 നും ഇടയില്, ലോകജനസംഖ്യയുടെ ഒരു ശതമാനം പേര് ലോകത്തിലെ എല്ലാ പുതിയ സമ്പത്തിന്റെയും 41% പിടിച്ചെടുത്തു, അതേസമയം പുതിയ സമ്പത്തിന്റെ ഒരു ശതമാനം മാത്രമേ മനുഷ്യരാശിയുടെ ദരിദ്രരായ പകുതിയിലേക്ക് പോയിട്ടുള്ളൂ. സാമ്പത്തികമായി അസമത്വം കൂടുതലുള്ള സമൂഹങ്ങളില്, വളരെ കുറച്ച് സ്ത്രീകള് മാത്രമേ ഉന്നത വിദ്യാഭ്യാസം പൂര്ത്തിയാക്കുന്നുള്ളൂ എന്നും അദ്ദേഹം പറഞ്ഞു.