മുന് എംഎല്എയും സിപിഎമ്മിന്റെ പ്രമുഖ വനിതാ നേതാവുമായിരുന്ന ഐഷ പോറ്റി കോണ്ഗ്രസില്
കൊട്ടാരക്കര: മുന് എംഎല്എയും സിപിഎമ്മിന്റെ പ്രമുഖ വനിതാ നേതാവുമായിരുന്ന ഐഷ പോറ്റി കോണ്ഗ്രസില്. കോണ്ഗ്രസിന്റെ സമര വേദിയിലെത്തിയ ഐഷ പോറ്റിയെ വി ഡി സതീശന് ഷാള് അണിയിച്ച് സ്വീകരിച്ചു. നിയമസഭാ തിരഞ്ഞെടുപ്പില് കൊട്ടാരക്കരയില് സ്ഥാനാര്ഥിയായേക്കുമെന്നാണ് സൂചന.
കഴിഞ്ഞ കുറച്ചുകാലമായി പാര്ട്ടി പരിപാടികളില് നിന്നെല്ലാം അകന്നു നില്ക്കുകയായിരുന്നു. ആരോഗ്യ കാരണങ്ങളാല് പൊതുവേദികളില് നിന്നും മാറുന്നുവെന്നായിരുന്നു അവര് നേതൃത്വത്തെ അറിയിച്ചത്, എന്നാല് കഴിഞ്ഞ തിരഞ്ഞെടുപ്പില് സീറ്റ് നിഷേധിച്ചതും, വനിതാ കമ്മീഷന് അധ്യക്ഷ സ്ഥാനം പോലുള്ള ഏതെങ്കിലും പദവികള് നല്കുമെന്ന പ്രതീക്ഷകള് അസ്തമിച്ചതും പാര്ട്ടി മാറാന് കാരണമായെന്നാണ് വിവരം.