എടയാര് വ്യവസായ സ്ഥാപനത്തില് തീപിടിത്തം; ഒരു മരണം
ആറ് ഫയര് യൂണിറ്റുകള് തീ അണയ്ക്കാന് ശ്രമം തുടരുകയാണ്
കൊച്ചി: കളമശ്ശേരി എടയാര് വ്യവസായ മേഖലയില് തീപിടിച്ച് ഒരാള് മരിച്ചു. പാതാളം പി ജി ലൂബ്രിക്കന്സ് ഓയില്ക്കമ്പനിയിലാണ് രാവിലെ തീപിടിത്തമുണ്ടായത്. മറ്റ് ജീവനക്കാര്ക്ക് പരിക്കേറ്റിട്ടുണ്ട്. നിലവില് ഫയര് ഫോഴ്സിന്റെ ആറു യൂണിറ്റുകളാണ് തീ അണയ്ക്കാന് ശ്രമിക്കുന്നത്. കൂടുതല് ഫയര് യൂണിറ്റുകള് ഇവിടേക്ക് എത്തുന്നുണ്ട്. സമീപത്തുള്ള സ്ഥാപനങ്ങളിലെ ആളുകളെയും ഒഴിപ്പിക്കുന്നുണ്ട്. തൊഴിലാളികള് ജോലി ചെയ്തുകൊണ്ടിരുന്ന സമയത്താണ് തീപിടിത്തമുണ്ടായത് എന്നാണ് വിവരം. ജീവനക്കാരെ ഉടന് തന്നെ അപകട സ്ഥലത്തു നിന്ന് മാറ്റിയെങ്കിലും ഇതര സംസ്ഥാനക്കാരനായ ഒരു തൊഴിലാളി ഉള്ളില് കുടുങ്ങുകയായിരുന്നു.