തൊടുപുഴ: ഹൈബ്രിഡ് കഞ്ചാവുമായി മേക്കപ്പ് മാന് അറസ്റ്റില്. ആര് ജി വയനാടന് എന്ന് അറിയപ്പെടുന്ന രഞ്ജിത്ത് ഗോപിനാഥനെയാണ് ഞായറാഴ്ച പുലര്ച്ചെ മൂലമറ്റം എക്സൈസ് ഇന്സ്പെക്ടര് കെ അഭിലാഷും സംഘവും പിടികൂടിയത്. എക്സൈസ് വകുപ്പിന്റെ 'ഓപ്പറേഷന് ക്ലീന് സ്റ്റേറ്റ് ' പരിശോധനയുടെ ഭാഗമായി മൂലമറ്റം എക്സൈസ് സംഘം നടത്തിയ വാഹന പരിശോധനയിലാണ് 45 ഗ്രാം അതീവ വീര്യമേറിയ ഹൈബ്രിഡ് കഞ്ചാവുമായി പ്രതിയെ പിടികൂടിയത്. ആവേശം, പൈങ്കിളി, സൂക്ഷ്മദര്ശിനി, രോമാഞ്ചം, ജാനേ മന് തുടങ്ങി നിരവധി സിനിമകളില് മേക്കപ്പ് മാനായി രഞ്ജിത് പ്രവര്ത്തിച്ചിരുന്നു.