ബൂട്ട് സ്പേസ് പ്രശ്നത്തിന് പരിഹാരം; ഡ്യുവല് സിലിണ്ടര് സിഎന്ജി കാറുകള്ക്ക് ഡിമാന്ഡ് ഉയരുന്നു
ന്യൂഡല്ഹി: ഇന്ധന ലാഭത്തില് മുന്നിലുള്ള സിഎന്ജി കാറുകളില് ലഗേജ് സ്പേസ് കുറവെന്ന പ്രശ്നത്തിന് പരിഹാരമായി 'ഡ്യുവല് സിലിണ്ടര്' സാങ്കേതികവിദ്യ അവതരിപ്പിച്ച് വാഹന നിര്മ്മാതാക്കള്. വലിയ ഒരു സിലിണ്ടറിന് പകരം ചെറിയ രണ്ടു സിലിണ്ടറുകള് കാറിന്റെ അടിഭാഗത്ത് ക്രമീകരിക്കുന്നതിനാല് ബൂട്ട് സ്പേസ് നഷ്ടപ്പെടുന്നില്ലെന്നതാണ് പ്രധാന സവിശേഷത.
പത്തു ലക്ഷം രൂപയ്ക്കുള്ളില് ലഭ്യമാകുന്ന അഞ്ചു ശ്രദ്ധേയമായ മോഡലുകള്:
ടാറ്റ പഞ്ച് ഐ-സിഎന്ജി
ഇരട്ട സിലിണ്ടര് സാങ്കേതികവിദ്യ ആദ്യം അവതരിപ്പിച്ച മോഡലുകളില് ഒന്നാണ്. ഏകദേശം 210 ലിറ്റര് ബൂട്ട് സ്പേസുമായി മൈക്രോ എസ്യുവി വിഭാഗത്തില് ശ്രദ്ധേയമാണ്.
ടാറ്റ ആള്ട്രോസ് ഐ-സിഎന്ജി
പ്രീമിയം ഹാച്ച്ബാക്ക് വിഭാഗത്തില്പ്പെട്ട ഈ കാറില് സിലിണ്ടറുകള് ഡിക്കിക്ക് താഴെയായി ക്രമീകരിച്ചിരിക്കുന്നതിനാല് കൂടുതല് ലഗേജ് സ്പേസ് ലഭ്യമാണ്.
ഹ്യുണ്ടായ് എക്സ്റ്റര്
ഹ്യുണ്ടായിയുടെ ഡ്യുവല് സിലിണ്ടര് മോഡലായ എക്സ്റ്റര് മികച്ച ഫീച്ചറുകളും 27 കിലോമീറ്ററിലധികം മൈലേജും വാഗ്ദാനം ചെയ്യുന്നു.
ടാറ്റ ടിയാഗോ ഐ-സിഎന്ജി
ബജറ്റ് വിഭാഗത്തില് ലഭ്യമായ ഈ മോഡല് ചെറിയ കാറായിട്ടും ബൂട്ട് സ്പേസ് നിലനിര്ത്തുന്ന സവിശേഷതയാല് ശ്രദ്ധേയമാണ്.
ഹ്യുണ്ടായ് ഗ്രാന്ഡ് ഐ10 നിയോസ്
നഗര യാത്രയ്ക്കും ദീര്ഘദൂര യാത്രയ്ക്കും അനുയോജ്യമായ ഈ ഹാച്ച്ബാക്കിലും ഇപ്പോള് ഡ്യുവല് സിലിണ്ടര് സംവിധാനം ലഭ്യമാണ്.
കുറഞ്ഞ ഇന്ധനച്ചെലവും കൂടുതല് സൗകര്യവും ഒരുമിച്ച് തേടുന്ന കുടുംബങ്ങള്ക്ക് ഈ പുതിയ തലമുറ സിഎന്ജി കാറുകള് മികച്ച തിരഞ്ഞെടുപ്പായിരിക്കുമെന്ന് വിദഗ്ധര് വിലയിരുത്തുന്നു.