ചെന്നൈ: ഇന്ത്യന് ആന്ജിയോപ്ലാസ്റ്റിയുടെ പിതാവ് എന്നറിയപ്പെടുന്ന ഹൃദയാരോഗ്യ വിദഗ്ധന് ഡോ.മാത്യു സാമുവല് കളരിക്കല് (77) അന്തരിച്ചു. കൊറോണറി ആന്ജിയോപ്ലാസ്റ്റി, കരോട്ടിഡ് സ്റ്റെന്റിങ്, കൊറോണറി സ്റ്റെന്റിങ് തുടങ്ങിയവയില് വിദഗ്ധനായ അദ്ദേഹത്തെ 2000ല് രാജ്യം പത്മശ്രീ നല്കി ആദരിച്ചിട്ടുണ്ട്. ആന്ജിയോപ്ലാസ്റ്റിയുടെ നടപടിക്രമങ്ങള് ഏകീകരിക്കാനും കാര്യക്ഷമമാക്കാനുമുള്ള പ്രവര്ത്തനങ്ങളുടെ പേരില് ആദരിക്കപ്പെടുന്ന ഡോ.മാത്യു സാമുവലാണ് നാഷനല് ആന്ജിയോപ്ലാസ്റ്റി റജിസ്ട്രി ഓഫ് ഇന്ത്യ സ്ഥാപിച്ചത്. സംസ്കാരം ഏപ്രില് 21 ഉച്ചയ്ക്ക് രണ്ടിന് കോട്ടയത്ത് മാങ്ങാനത്തെ വീട്ടില് ശുശ്രൂഷയ്ക്കു ശേഷം മൂന്നിന് മാങ്ങാനം സെന്റ് പീറ്റേഴ്സ് മാര്ത്തോമ്മാ പള്ളി സെമിത്തേരിയില്.