നടന് ശ്രീനിവാസന്റെ വിയോഗത്തില് വിതുമ്പി സംവിധായകന് സത്യന് അന്തിക്കാട്
തിരുവന്തപുരം: നടന് ശ്രീനിവാസന്റെ വിയോഗത്തില് വിതുമ്പി സംവിധായകന് സത്യന് അന്തിക്കാട്. ഞാന് എല്ലാ രണ്ടാഴ്ച കൂടുമ്പോഴും കാണാന് പോകാറുണ്ടായിരുന്നു. മിനിഞ്ഞാന്ന് സംസാരിച്ചിരുന്നു. ഇപ്പോഴും പോകും എന്നൊരു തോന്നല് ഉണ്ടായിരുന്നില്ലെന്നും അദ്ദേഹം പറഞ്ഞു. കുറച്ചുനാളായി അസുഖമായി കിടക്കുകയാണല്ലോ. തിരഞ്ഞെടുപ്പ് കാലത്ത് സന്ദേശം വീണ്ടും ചര്ച്ചയായപ്പോള് ഞാന് അദ്ദേഹത്തോട് പറഞ്ഞു പറഞ്ഞ് പൂര്ത്തീകരിക്കാനാകാതെ സത്യന് അന്തിക്കാട് വിതുമ്പി.
1984-ല് പ്രിയദര്ശന് സംവിധാനം ചെയ്ത 'ഓടരുതമ്മാവാ ആളറിയാം' എന്ന ചിത്രത്തിന് തിരക്കഥ എഴുതിക്കൊണ്ടാണ് അരങ്ങേറ്റം. സിബി മലയില് സംവിധാനം ചെയ്ത മുത്താരംകുന്ന് പി ഒ കണ്ടാണ് സത്യന് അന്തിക്കാട് ശ്രീനിവാസനെ ഒപ്പം ചേര്ക്കുന്നത്. നടനും തിരക്കഥാകൃത്തും സംവിധായകനുമായ ശ്രീനിവാസന് ഇന്ന് രാവിലെയാണ് അന്തരിച്ചത്. നീണ്ട 48 വര്ഷത്തെ സിനിമാ ജീവിതത്തില് സിനിമയിലെ സമസ്ത മേഖലകളിലും വ്യക്തിമുദ്ര പതിപ്പിച്ച വ്യക്തി കൂടിയായിരുന്നു ശ്രീനിവാസന്.