പോക്സോ കേസില് സിപിഎം ബ്രാഞ്ച് സെക്രട്ടറി അറസ്റ്റില്
പാലക്കാട് ചെട്ടിയത്ത്കുളമ്പ് ബ്രാഞ്ച് സെക്രട്ടറി എന് ഷാജിയാണ് അറസ്റ്റിലായത്
പാലക്കാട്: പോക്സോ കേസില് സിപിഎം ബ്രാഞ്ച് സെക്രട്ടറി അറസ്റ്റില്. പുതുനഗരം ചെട്ടിയത്ത്കുളമ്പ് ബ്രാഞ്ച് സെക്രട്ടറി പുതുനഗരം വാരിയത്ത്കളം എന് ഷാജി(35)യാണ് അറസ്റ്റിലായത്. കൊടുവായൂരില് കായിക ഉപകരണങ്ങള് വില്ക്കുന്ന കട നടത്തുന്നയാളാണ് പ്രതിയായ ഷാജി.
ചൊവ്വാഴ്ച രാവിലെയാണ് കേസിനാസ്പദമായ സംഭവം. ജേഴ്സി വാങ്ങാന് കടയിലെത്തിയ പത്താംക്ലാസ് വിദ്യാര്ഥിയെയാണ് ഇയാള് ഉപദ്രവിച്ചത്. രക്ഷിതാക്കളുടെ പരാതിയില് പ്രാഥമിക അന്വേഷണത്തിനുശേഷം പുതുനഗരം പോലിസ് കേസെടുത്തു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. സംഭവത്തെ തുടര്ന്ന് സിപിഎം ഇയാളെ പാര്ട്ടിയില് നിന്ന് പുറത്താക്കി.