പരീക്ഷയില് മാര്ക്ക് കുറഞ്ഞതിന് വിദ്യാര്ഥിയെ അധ്യാപകന് ക്രൂരമായി മര്ദ്ദിച്ചെന്ന് പരാതി
കൊല്ലം: പരീക്ഷയില് മാര്ക്ക് കുറഞ്ഞതിന് വിദ്യാര്ഥിയെ അധ്യാപകന് ക്രൂരമായി മര്ദ്ദിച്ചെന്ന് പരാതി. രണ്ട് മാര്ക്ക് കുറഞ്ഞതിനായിരുന്നു മര്ദ്ദനം. ഏരൂര് നെട്ടയത്ത് പ്രവര്ത്തിക്കുന്ന സ്വകാര്യ ട്യൂഷന് സെന്ററിലെ അധ്യാപകനാണ് വിദ്യാര്ഥിയെ തല്ലിയത്. കഴിഞ്ഞ ദിവസം വൈകിട്ടായിരുന്നു സംഭവം നടന്നത്. പത്താം ക്ലാസ് വിദ്യാര്ഥികള്ക്ക് നടന്ന ക്ലാസ് ടെസ്റ്റില് 40 മാര്ക്കില് 38 കിട്ടിയെങ്കിലും, കുറവ് മാര്ക്ക് കിട്ടിയെന്ന് പറഞ്ഞ് ട്യൂഷന് സെന്റര് ഉടമ രാജീവ് വിദ്യാര്ഥിയെ മര്ദിക്കുകയായിരുന്നു.
കൈവിരല് ഒടിഞ്ഞ വിദ്യാര്ഥി സ്വകാര്യ ആശുപത്രിയില് ചികില്സയിലാണ്. സംഭവം അറിഞ്ഞ് രക്ഷിതാക്കള് പ്രതിഷേധവുമായെത്തി ട്യൂഷന് സെന്ററിന്റെ പ്രവര്ത്തനം തടഞ്ഞു. സംഭവത്തില് പോലിസ് അന്വേഷണം ആരംഭിച്ചു.