പൂരത്തിനിടെ സംഘര്ഷം; സിപിഎം ബ്രാഞ്ച് സെക്രട്ടറി ഉള്പ്പെടെ രണ്ടു പേര്ക്ക് കുത്തേറ്റു
പാലക്കാട്: ഒറ്റപ്പാലം ചിനക്കത്തൂര് പൂരത്തിനിടെയുണ്ടായ സംഘര്ഷത്തില് സിപിഎം ബ്രാഞ്ച് സെക്രട്ടറി ഉള്പ്പെടെ രണ്ടു പേര്ക്ക് കുത്തേറ്റു. ഈസ്റ്റ് ഒറ്റപ്പാലം സിപിഎം ബ്രാഞ്ച് സെക്രട്ടറി അര്ഷിദ്(31), ഒറ്റപ്പാലം സ്വദേശി പ്രശാന്ത് എന്നിവര്ക്കാണ് കുത്തേറ്റത്. പ്രശാന്തിന്റെ മുതുകില് മൂന്ന് കുത്തേറ്റു. ഇവര്ക്കൊപ്പം ഉണ്ടായിരുന്ന ഈസ്റ്റ് ഒറ്റപ്പാലം സ്വദേശി അമീന്, സനൂപ്, സന്തോഷ്, അനില് എന്നിവര്ക്ക് സംഘര്ഷത്തില് പരിക്കേറ്റു. ചിനക്കത്തൂര് പൂരത്തിന് സ്പെഷ്യല് പൂരം കൊണ്ടു പോകുന്നതിനിടയിലായിരുന്നു സംഘര്ഷം. സംഭവത്തില് രണ്ടു പേരെ പോലിസ് കസ്റ്റഡിയില് എടുത്തു. ഒറ്റപ്പാലം പോലിസ് കേസെടുത്ത് അന്വേഷണം തുടങ്ങി.