വണ്ടാനം മെഡിക്കല് കോളേജിലെ ചികില്സാ പിഴവില് പ്രതിഷേധിച്ച യൂത്ത് കോണ്ഗ്രസ് വനിതാ പ്രവര്ത്തകര്ക്കെതിരേ കേസെടുത്തു
പോലിസ് വാഹനം തടഞ്ഞതിനാണ് യൂത്ത് കോണ്ഗ്രസ് വനിതാ പ്രവര്ത്തകര്ക്കെതിരേ കേസെടുത്തത്
ആലപ്പുഴ: വണ്ടാനം മെഡിക്കല് കോളേജിലെ ചികില്സാപ്പിഴവിനെതിരേ നടന്ന പ്രതിഷേധത്തില് പോലിസ് വാഹനം തടഞ്ഞ യൂത്ത് കോണ്ഗ്രസ് വനിതാ പ്രവര്ത്തകര്ക്കെതിരേ കേസെടുത്തു. പോലിസിന്റെ ഔദ്യോഗിക കൃത്യനിര്വഹണം തടസപ്പെടുത്തിയെന്നാണ് എഫ്ഐആറിലെ ആരോപണം. പ്രതിഷേധത്തിനിടെ യൂത്ത് കോണ്ഗ്രസ് പ്രവര്ത്തകരെ പോലിസ് അറസ്റ്റ് ചെയ്ത് നീക്കുന്നതിനിടെ ഒരു വിഭാഗം വനിതാ പ്രവര്ത്തകര് പോലിസ് ജീപ്പിന് മുന്നില് കയറി വാഹനം തടഞ്ഞ് പ്രതിഷേധിച്ചിരുന്നു. പോലിസ് വാഹനം മുന്നോട്ട് എടുത്തപ്പോള് പ്രതിഷേധക്കാരിലൊരാളായ യുവതിക്ക് നിലത്ത് വീണ് പരിക്കേറ്റിരുന്നു. സംഭവത്തില് കൂടുതല് അന്വേഷണം നടന്നുവരികയാണെന്നും ആലപ്പുഴ നോര്ത്ത് പോലിസ് അറിയിച്ചു.