ബഹ്റൈന് സ്പോര്ട്സ് ഡേ: കടല് കായിക വിനോദങ്ങളില് പങ്കെടുത്ത് ഹമദ് ബിന് ഈസ അല് ഖലീഫ
മനാമ: ബഹ്റൈന് സ്പോര്ട്സ് ഡേ ആഘോഷങ്ങളുടെ ഭാഗമായി ഹമദ് ബിന് ഈസ അല് ഖലീഫ കടല് അധിഷ്ഠിത കായിക വിനോദങ്ങളില് പങ്കെടുത്തു. കായികം ഒരു ജീവിതശൈലിയായി വളര്ത്തിപ്പിടിക്കേണ്ടതിന്റെ പ്രാധാന്യവും ദേശീയ സ്വത്വത്തിലുള്ള അഭിമാനവും ഭരണാധികാരിയുടെ സാന്നിധ്യം വിളിച്ചോതിയതായി ഔദ്യോഗിക വൃത്തങ്ങള് അറിയിച്ചു. ബഹ്റൈനിലെ ജനങ്ങളുടെ പാരമ്പര്യത്തോടും സംസ്കാരത്തോടും ചേര്ന്നുനില്ക്കുന്ന പ്രിയപ്പെട്ട കായിക വിനോദങ്ങളാണ് കടല് അധിഷ്ഠിത പ്രവര്ത്തനങ്ങളെന്ന് അദ്ദേഹം വ്യക്തമാക്കി. സ്പോര്ട്സ് ഡേയുടെ ഭാഗമായി ഈ മേഖലയില് സജീവമാകാന് കഴിഞ്ഞതില് സന്തോഷം രേഖപ്പെടുത്തിയ അദ്ദേഹം, രാജ്യത്തിന്റെ സാമ്പത്തിക ഭദ്രതയ്ക്കും ഉപജീവനത്തിനും വലിയ പിന്തുണ നല്കുന്നതാണ് സമുദ്ര സമ്പത്തുകളെന്നും ചൂണ്ടിക്കാട്ടി.
മുത്തുകള്, മല്സ്യസമ്പത്ത് എന്നിവ ഉള്പ്പെടെയുള്ള സമുദ്ര വിഭവങ്ങളുടെ സംരക്ഷണത്തിനും പരിപാലനത്തിനും മുന്ഗണന നല്കുമെന്നും, ഭാവിയില് അവയുടെ ശാസ്ത്രീയ പര്യവേക്ഷണത്തിനും നിക്ഷേപത്തിനും കൂടുതല് പ്രാധാന്യം നല്കുമെന്നും വ്യക്തമാക്കി. സമൂഹത്തിലെ എല്ലാ വിഭാഗം ജനങ്ങളും കായിക പ്രവര്ത്തനങ്ങളില് സജീവമായി പങ്കെടുക്കുകയും ആരോഗ്യകരമായ ജീവിതശൈലി സ്വീകരിക്കുകയും ചെയ്യണമെന്ന് അദ്ദേഹം ആഹ്വാനം ചെയ്തു. ഇത് ജീവിതനിലവാരം ഉയര്ത്തുന്നതിനും സമൂഹത്തില് പോസിറ്റീവ് എനര്ജിയും ഐക്യവും വളര്ത്തുന്നതിനും സഹായകരമാകുമെന്ന് അദ്ദേഹം കൂട്ടിച്ചേര്ത്തു.