അര്ജന്റീന ഫുട്ബോള് ടീമിന്റെ മല്സരം; ഉന്നതതലയോഗം ചേര്ന്ന് മുഖ്യമന്ത്രി
തിരുവനന്തപുരം: അര്ജന്റീന ഫുട്ബോള് ടീമിന്റെ മല്സരവുമായി ബന്ധപ്പെട്ട തയ്യാറെടുപ്പുകള് ചര്ച്ച ചെയ്യാന് മുഖ്യമന്ത്രിയുടെ നേതൃത്യത്തില് ഉന്നതതലയോഗം ചേര്ന്നു. നവംബര് മാസം കൊച്ചി ജവഹര്ലാല് നെഹ്റു അന്താരാഷ്ട്ര സ്റ്റേഡിയത്തിലാണ് മല്സരം നടക്കുക. സ്റ്റേഡിയം ലോകോത്തര നിലവാരത്തില് ഉയര്ത്തുന്നതിനുള്ള അറ്റകുറ്റ പണികള് ഉടന് പൂര്ത്തിയാക്കുമെന്ന് മുഖ്യമന്ത്രി അറിയിച്ചു.
കര്ശന സുരക്ഷ സംവിധാനങ്ങള് ഒരുക്കും. ഫാന് മീറ്റ് നടത്താനുള്ള സാധ്യതകള് ചര്ച്ച ചെയ്തെന്നും മുഖ്യമന്ത്രി അറിയിച്ചു. പാര്ക്കിങ്ങ്, ആരോഗ്യ സംവിധാനങ്ങള്, ശുദ്ധജല വിതരണം, വൈദ്യുതി വിതരണം, മാലിന്യ സംസ്ക്കരണം തുടങ്ങിയ ക്രമീകരണം ഏര്പ്പാടാക്കും. മല്സരവുമായി ബന്ധപ്പെട്ട കാര്യങ്ങള് ഏകോപിപ്പിക്കാന് ഒരു ഐ എ എസ് ഓഫീസറെ നിയമിക്കുമെന്നും മുഖ്യമന്ത്രി പറഞ്ഞു. ചീഫ് സെക്രട്ടറിയുടെ നേതൃത്വത്തിലുള്ള സമിതി സംസ്ഥാനതലത്തില് പ്രവര്ത്തിക്കും. ജില്ലാതലത്തില് ജില്ലാ കളക്ടര്ക്കാരിയിരിക്കും ഏകോപന ചുമതലയെന്നും മുഖ്യമന്ത്രി വ്യക്തമാക്കി.