ആലപ്പുഴ: ശക്തമായ കാറ്റിലും മഴയിലും ആലപ്പുഴ ബീച്ചിലെ കട തകര്ന്ന് ദേഹത്തേക്കുവീണ് പെണ്കുട്ടി മരിച്ചു. പള്ളാത്തുരുത്തി രതിഭവനില് നിത്യ(18)യാണ് മരിച്ചത്. സുഹൃത്തുക്കള്ക്കൊപ്പം ബീച്ചിലെത്തിയതായിരുന്നു നിത്യ. ഉച്ചയ്ക്ക് ബീച്ചില് കനത്തമഴയ്ക്കൊപ്പം കാറ്റും വീശിയിരുന്നു. ഈ സമയത്ത്, ബീച്ചില് നില്ക്കുകയായിരുന്ന നിത്യയും സുഹൃത്തും മഴയില്നിന്ന് രക്ഷപ്പെടാനാണ് ബജിക്കടയുടെ അടുത്ത് പോയിനിന്നത്.കാറ്റില് ബജിക്കട മറിഞ്ഞ് നിത്യയുടെയും ആദര്ശിന്റെയും ദേഹത്തേക്ക് വീണു. ഉടന്തന്നെ വണ്ടാനം മെഡിക്കല് കോളേജ് ആശുപത്രിയില് പ്രവേശിപ്പിച്ചുവെങ്കിലും നിത്യയെ രക്ഷിക്കാനായില്ല.