ജമ്മു കശ്മീരില് ബസ് കൊക്കയിലേക്ക് മറിഞ്ഞ് 21 മരണം
നിരവധി പേര്ക്ക് പരിക്ക്
ശ്രീനഗര്: ജമ്മു കശ്മീരിലെ ഉധംപുര് ജില്ലയില് ബസ് റോഡില് നിന്ന് തെന്നിമാറി കൊക്കയിലേക്ക് മറിഞ്ഞുണ്ടായ അപകടത്തില് 21 പേര് മരിച്ചു. അപകടത്തില് 29 പേര്ക്ക് പരിക്കേറ്റിട്ടുണ്ട്. പരിക്കേറ്റ പലരുടേയും നില ഗുരുതരമായതിനാല് മരണസംഖ്യ ഇനിയും ഉയരാന് സാധ്യതയുണ്ട്. രാംനഗറില് നിന്ന് ഉദംപൂരിലേക്ക് പോകുകയായിരുന്ന ബസ് നിയന്ത്രണം നഷ്ടപ്പെട്ട് കൊക്കയിലേക്ക് മറിയുകയായിരുന്നു.
രാവിലെ 10 മണിയോടെയാണ് രാംനഗറില് നിന്ന് ഉദ്ദംപൂരിലേക്ക് പോകുകയായിരുന്ന ബസ് ഒരു വളവ് മറികടക്കുന്നതിനിടെ നിയന്ത്രണം നഷ്ടപ്പെട്ട് കുന്നിന് ചെരുവിലേക്ക് മറിഞ്ഞത്. അപകടവാര്ത്ത പുറത്തുവന്ന ഉടന് തന്നെ പോലിസും രക്ഷാപ്രവര്ത്തകരും സ്ഥലത്തെത്തി. ഉന്നത ഉദ്യോഗസ്ഥര് സ്ഥലത്തെത്തി സ്ഥിതിഗതികള് വിലയിരുത്തി. പരിക്കേറ്റവര്ക്ക് അടിയന്തര ചികില്സ ഉറപ്പാക്കാന് സബ് ഡിവിഷണല് മജിസ്ട്രേറ്റ് നിര്ദ്ദേശം നല്കുകയും ചെയ്തു. പരിക്കേറ്റവരില് ഗുരുതരാവസ്ഥയിലുള്ളവരെ വിദഗ്ദ്ധ ചികില്സയ്ക്കായി ഹെലികോപ്റ്റര് മാര്ഗ്ഗം എയര്ലിഫ്റ്റ് ചെയ്യാനുള്ള ക്രമീകരണങ്ങള് നടത്തിവരികയാണെന്ന് കേന്ദ്രമന്ത്രി ഡോ. ജിതേന്ദ്ര സിങ് അറിയിച്ചു.