ജമ്മുവില് സൈനിക വാഹനം കൊക്കയിലേക്ക് മറിഞ്ഞ് മരിച്ച സൈനികരുടെ എണ്ണം പത്തായി
ദോഡയിലെ ഖനി എന്ന സ്ഥലത്താണ് അപകടമുണ്ടായത്
ന്യൂഡല്ഹി: ജമ്മുവിലെ ദോഡയില് സൈനിക വാഹനം കൊക്കയിലേക്ക് മറിഞ്ഞുണ്ടായ അപകടത്തില് 10 സൈനികര് മരണപ്പെട്ടു. ദോഡ ജില്ലയിലെ ഖനി എന്ന സ്ഥലത്താണ് അപകടമുണ്ടായത്. 200 അടി താഴ്ചയുള്ള കൊക്കയിലേക്കാണ് സൈനികര് സഞ്ചരിച്ച വാഹനം വീണത്. 17 സൈനികരാണ് വാഹനത്തില് ഉണ്ടായിരുന്നത്. ഉയര്ന്ന പ്രദേശങ്ങളിലേക്ക് ഡ്യൂട്ടിക്ക് പോകുകയായിരുന്ന സൈനികരാണ് അപകടത്തില് പെട്ടത്. ഡ്രൈവര്ക്ക് വാഹനത്തിന്റെ നിയന്ത്രണം നഷ്ടപ്പെട്ടതാണ് അപകടത്തിന് കാരണമായതെന്നാണ് പ്രാഥമിക നിഗമനം. ഉടന് തന്നെ രക്ഷാപ്രവര്ത്തനം നടത്തിയെങ്കിലും 10 സൈനികര് മരണപ്പെട്ടു. പരിക്കേറ്റ സൈനികരെ ഉധംപുരിലെ ആശുപത്രിയിലേക്ക് മാറ്റി