കോഴിക്കോട് : പിന്നാക്ക ദലിത് ന്യൂനപക്ഷ മതവിഭാഗങ്ങളുടെ ശാക്തീകരണം ലക്ഷ്യമിട്ട് പ്രവർത്തിക്കുന്ന മുസ്ലിം എംപ്ലോയീസ് കൾച്ചറൽ അസോസിയേഷൻ (മെക്കാ ) സ്ഥാപകദിന സമ്മേളനം നാളെകോഴിക്കോട് നടക്കും. കെ.പി കേശവമേനോൻ ഹാളിൽ നടക്കുന്ന 37-ാം വാർഷിക സമ്മേളനത്തിൽ സാമൂഹിക -രാഷ്ട്രീയ- സാംസ്കാരിക രംഗത്തെ പ്രമുഖർ പങ്കെടുക്കുമെന്ന് വാർത്ത കുറിപിൽ അറിയിച്ചു. പിന്നാക്ക പ്രാതിനിധ്യം: യാഥാർത്ഥ്യമെന്ത്? എന്ന പ്രമേയത്തിലാണ് ചർച്ചകൾ നടക്കുക. ഉദ്യോഗ -വിദ്യാഭ്യാസ രംഗത്തെ പിന്നോക്ക വിഭാഗത്തിന്റെ പ്രാഥമിക കുറവും, സാഹിത്യ -മാധ്യമ സിനിമാ രംഗങ്ങളിലെ പിന്നോക്ക ജനവിഭാഗത്തെ ചിത്രീകരിക്കുന്നതിൽ ബോധപൂർവ്വം വരുത്തുന്ന പിഴവുകളും സമ്മേളനത്തിൽ വിവിധ സെഷനുകളിലായി ചർച്ച ചെയ്യും. സംസ്ഥാന പ്രസിഡണ്ട് ഡോക്ടർ . പി നസീർ അധ്യക്ഷ വഹിക്കുന്ന പരിപാടിയിൽ ഇ.ടി. മുഹമ്മദ് ബഷീർ എംപി , എം കെ രാഘവൻ എംപി, അഹമ്മദ് ദേവർകോവിൽ എംഎൽഎ, പി എം എ സലാം ,ഡോക്ടർ ഫസൽ ഗഫൂർ, ഡോക്ടർ' ഹുസൈൻ മടവൂർ, അബ്ദുസമദ് പൂക്കോട്ടൂർ, ശിഹാബ് പൂക്കോട്ടൂർ, തുടങ്ങിയവർ പങ്കെടുക്കുമെന്ന് സംസ്ഥാന ജനറൽ സെക്രട്ടറി എൻ കെ അലി അറിയിച്ചു.