കൂടല്മാണിക്യം ക്ഷേത്രത്തിൽ ജാതിവിവേചനം നേരിട്ട ഈഴവ ജീവനക്കാരൻ 'വ്യക്തിപരമായ' കാരണങ്ങളാൽ രാജിവച്ചു
തൃശ്ശൂര്: കൂടല്മാണിക്യം ക്ഷേത്രത്തില് ജാതിവിവേചനം നേരിട്ട കഴകം ജീവനക്കാരന് ബാലു രാജിവെച്ചു. ഇന്നലെ ദേവസ്വം ഓഫീസില് എത്തിയാണ് രാജിക്കത്ത് നൽകിയത്. വ്യക്തിപരമായ കാരണത്താല് രാജിവെക്കുന്നു എന്നാണ് കത്തില് സൂചിപ്പിക്കുന്നത്.
കൂടല്മാണിക്യം ക്ഷേത്രത്തില് കഴക ജോലികള്ക്കായി ആളെ നിയമിക്കുന്നതിന് ദേവസ്വം റിക്രൂട്ട്മെന്റ് ബോര്ഡ് പരീക്ഷ നടത്തിയിരുന്നു. ഇത് വിജയിച്ചാണ് ബാലു ജോലിയില് പ്രവേശിച്ചത്. ഇക്കഴിഞ്ഞ ഫെബ്രുവരി 21ന് ഇദ്ദേഹം ചുമതലയേറ്റു. ഇതിന് പിന്നാലെയാണ് വിവാദം ഉയര്ന്നത്. ബാലു ഈഴവ സമുദായ അംഗമായതിനാല് കഴക ജോലികളില് നിന്ന് മാറ്റി നിര്ത്തണമെന്ന് ആവശ്യപ്പെട്ട് തന്ത്രിമാരും വാര്യര് സമാജവും രംഗത്തെത്തുകയായിരുന്നു.