സ്വര്‍ണവില ഇന്ന് വീണ്ടും വര്‍ധിച്ചു

കൊച്ചി: സംസ്ഥാനത്ത് സ്വര്‍ണവില ഇന്ന് വീണ്ടും വര്‍ധിച്ചു. സ്വര്‍ണം ഗ്രാമിന് 40 രുപ വര്‍ധിച്ച് 12,635 രൂപയും, പവന് 320 രൂപ വര്‍ധിച്ച് 1,01,080 രൂപയുമായി. രാവിലെ സ്വര്‍ണം ഗ്രാമിന് 145 രൂപ വര്‍ധിച്ച് 12,595 രൂപയും, പവന് 1,160 രൂപ വര്‍ധിച്ച് 1,00,760 രൂപയുമായിരുന്നു. 2026ല്‍ ഇന്നാണ് സ്വര്‍ണവില ലക്ഷം കടക്കുന്നത്. അന്താരാഷ്ട്ര വിപണിയിലും സ്വര്‍ണവില ഉയര്‍ന്നിട്ടുണ്ട്. കഴിഞ്ഞ ശനിയാഴ്ച സ്വര്‍ണം ഗ്രാമിന് 35 രൂപ കുറഞ്ഞ് 12,450 രൂപയും, പവന് 280 രൂപ കുറഞ്ഞ് 99,600 രൂപയുമായിരുന്നു. വെള്ളിയാഴ്ച സ്വര്‍ണം ഗ്രാമിന് 105 രൂപ വര്‍ധിച്ച് 12,485 രൂപയും, പവന് 840 രൂപ വര്‍ധിച്ച് 99,880 രൂപയായിരുന്നു വില.