സ്വര്‍ണവില കുറഞ്ഞു

കൊച്ചി: സംസ്ഥാനത്തെ സ്വര്‍ണവില കുറഞ്ഞു. രാവിലെ വര്‍ധിച്ച സ്വര്‍ണവില ഉച്ചക്ക് കുറയുകയായിരുന്നു. സ്വര്‍ണം ഗ്രാമിന് 45 രൂപ കുറഞ്ഞ് 11,365 രൂപയും, പവന് 360 രൂപ കുറഞ്ഞ് 90,920 രൂപയുമായി. 18കാരറ്റ് സ്വര്‍ണം ഗ്രാമിന് 35 കുറഞ്ഞ് 9,350 രൂപയും, പവന് 260 രൂപ കുറഞ്ഞ് 74,800 രൂപയുമാണ് വില. രാവിലെ സ്വര്‍ണം ഗ്രാമിന് 20 രൂപ വര്‍ധിച്ച് 11,410 രൂപയും, പവന് 160 രൂപ വര്‍ധിച്ച് 91,280 രൂപയുമായിരുന്നു.

വ്യാഴാഴ്ച രണ്ടു തവണയാണ് സ്വര്‍ണവിലയില്‍ കുറവ് രേഖപ്പെടുത്തിയത്. രാവിലെയും ഉച്ചക്കുമായി സ്വര്‍ണം പവന് 440 രൂപ കുറഞ്ഞിരുന്നു. രാവിലെ സ്വര്‍ണം ഗ്രാമിന് 15 രൂപ കുറഞ്ഞ് 11,430 രൂപയും പവന് 120 രൂപ കുറഞ്ഞ് 91,440 രൂപയുമായിരുന്നു വില. ഉച്ചക്കു ശേഷം സ്വര്‍ണം ഗ്രാമിന് 40 രൂപ കുറഞ്ഞ് 11,390 രൂപയും, പവന് 320 രൂപ കുറഞ്ഞ് 91,120 രൂപയുമായിരുന്നു.