സംസ്ഥാനത്ത് സ്വര്‍ണവില സര്‍വകാല റെക്കോര്‍ഡില്‍

കൊച്ചി: സംസ്ഥാനത്ത് സ്വര്‍ണവില വര്‍ധിച്ചു. ഇന്ന് രണ്ടുതവണ സ്വര്‍ണവില വര്‍ധിച്ച് സര്‍കാല റെക്കോര്‍ഡിലെത്തി. ഉച്ചക്ക് സ്വര്‍ണം പവന് 800 രൂപ വര്‍ധിച്ച് 1,08,800 രൂപയിലെത്തി. രാവിലെ ഗ്രാമിന് 13,500 രൂപയുണ്ടായിരുന്ന വില 100 രൂപ വര്‍ധിച്ച് 13,600 രൂപയിലെത്തി. രാവിലെ സ്വര്‍ണം പവന് 760 രൂപ വര്‍ധിച്ച് 10,8,000 രൂപയായിരുന്നു വില. തിങ്കളാഴ്ച വൈകുന്നേരം പവന് 10,7,240 രൂപയുണ്ടായിരുന്ന സ്വര്‍ണ വില ചൊവ്വാഴ്ച രാവിലെ 760 രൂപ വര്‍ധിച്ച് 10,8,000 രൂപയിലെത്തുകയായിരുന്നു. തിങ്കളാഴ്ചയും സ്വര്‍ണ വിലയില്‍ രണ്ടുതവണ മാറ്റങ്ങളുണ്ടായി. രാവിലെ പവന് 10,6,840 രൂപയുണ്ടായിരുന്ന സ്വര്‍ണ വില 400 രൂപ വര്‍ധിച്ച് 10,7,240ല്‍ എത്തുകയായിരുന്നു.