സംസ്ഥാനത്ത് സ്വര്‍ണവില കുതിക്കുന്നു

കൊച്ചി: സംസ്ഥാനത്ത് സ്വര്‍ണവില ഇന്ന് മൂന്നാമതും വര്‍ധിച്ചു. സ്വര്‍ണം ഗ്രാമിന് 35 രൂപ വര്‍ധിച്ച് 12,670 രൂപയും, പവന് 280 രൂപ വര്‍ധിച്ച് 1,01,360 രൂപയുമായി. ഉച്ചക്ക് സ്വര്‍ണം ഗ്രാമിന് 40 രുപ വര്‍ധിച്ച് 12,635 രൂപയും, പവന് 320 രൂപ വര്‍ധിച്ച് 1,01,080 രൂപയുമായിരുന്നു. രാവിലെ സ്വര്‍ണം ഗ്രാമിന് 145 രൂപ വര്‍ധിച്ച് 12,595 രൂപയും, പവന് 1,160 രൂപ വര്‍ധിച്ച് 1,00,760 രൂപയുമായിരുന്നു വില. ഇന്ന് സ്വര്‍ണം ഗ്രാമിന് 220 രൂപയും, പവന് 1,760 രൂപയുടേയും വര്‍ധനവാണ് രേഖപ്പെടുത്തിയത്.

2026ല്‍ ഇന്നാണ് സ്വര്‍ണവില ലക്ഷം കടക്കുന്നത്. അന്താരാഷ്ട്ര വിപണിയിലും സ്വര്‍ണവില ഉയര്‍ന്നിട്ടുണ്ട്. കഴിഞ്ഞ ശനിയാഴ്ച സ്വര്‍ണം ഗ്രാമിന് 35 രൂപ കുറഞ്ഞ് 12,450 രൂപയും, പവന് 280 രൂപ കുറഞ്ഞ് 99,600 രൂപയുമായിരുന്നു. വെള്ളിയാഴ്ച സ്വര്‍ണം ഗ്രാമിന് 105 രൂപ വര്‍ധിച്ച് 12,485 രൂപയും, പവന് 840 രൂപ വര്‍ധിച്ച് 99,880 രൂപയായിരുന്നു വില.