സ്വര്‍ണവില തിരിച്ചുകയറി

കൊച്ചി: സംസ്ഥാനത്ത് സ്വര്‍ണവില തിരിച്ചുകയറി. സ്വര്‍ണം ഗ്രാമിന് 115 രൂപ വര്‍ധിച്ച് 11,515 രൂപയും, പവന് 920 രൂപ വര്‍ധിച്ച് 92,120 രൂപയുമാണ് ഇന്നത്തെ വില. 18 കാരറ്റ് സ്വര്‍ണം ഗ്രാമിന് 105 രൂപ വര്‍ധിച്ച് 9,530 രൂപയായി. വെള്ളിവില ഗ്രാമിന് അഞ്ചുരൂപ കുറഞ്ഞ് 165 രൂപയിലെത്തി. ഇന്നലെ രാവിലെ സ്വര്‍ണവില വര്‍ധിച്ചിരുന്നു. എന്നാല്‍ ഉച്ചയ്ക്കുശേഷം വില കുറയുകയായിരുന്നു. സ്വര്‍ണം ഗ്രാമിന് 100 രൂപ കുറഞ്ഞ് 11,400 രൂപയും, പവന് 800 രൂപ കുറഞ്ഞ് 91,200 രൂപയുമായിരുന്നു. രണ്ടു ദിവസത്തെ ഇടിവിനുശേഷമാണ് ഇന്നലെ രാവിലെ സ്വര്‍ണവില വീണ്ടും തിരിച്ചുകയറിയത്.

വെള്ളിയാഴ്ച രാവിലെ ഗ്രാമിന് 35 രൂപ വര്‍ധിച്ച് 11,500 രൂപയും, പവന് 280 രൂപ വര്‍ധിച്ച് 92,000 രൂപയുമായിരുന്നു. ചൊവ്വ, ബുധന്‍, വ്യാഴം ദിവസങ്ങളിലായി സ്വര്‍ണവില നാലുതവണയാണ് കുറഞ്ഞത്. വ്യാഴാഴ്ച പവന് 600 രൂപ കുറഞ്ഞ് 91,720 രൂപയും, ഗ്രാമിന് 75 രൂപ കുറഞ്ഞ് 11,465 രൂപയുമായിരുന്നു വില. ബുധനാഴ്ച രണ്ടുതവണയാണ് സ്വര്‍ണവില കുറഞ്ഞത്. ഉച്ചക്കുശേഷം ഗ്രാമിന് 120 രൂപ കുറഞ്ഞ് 11,540 രൂപയും, പവന് 960 രൂപ കുറഞ്ഞ് 92,320 രൂപയുമായിരുന്നു. ബുധനാഴ്ച രാവിലെ സ്വര്‍ണം ഗ്രാമിന് 310 രൂപ കുറഞ്ഞ് 11,660 രൂപയായിരുന്നു. പവന് 2,480 രൂപ കുറഞ്ഞ് 93,280 രൂപയുമായിരുന്നു വില.