കൊച്ചി: സംസ്ഥാനത്ത് സ്വര്ണവില കുറഞ്ഞു. പവന് 1,600 രൂപ കുറഞ്ഞ് 95,760 രൂപയാണ് ഇന്നത്തെ സ്വര്ണവില. ഗ്രാമിന് 200രൂപ കുറഞ്ഞ് 11,970 രൂപയായി. രാവിലെ പവന് 1,520 രൂപ വര്ധിച്ച് 97,360 രൂപയിലെത്തിയിരുന്നു. രണ്ടു ദിവസമായി ഇടിവ് രേഖപ്പെടുത്തിയതിനുശേഷമാണ് ഇന്ന് രാവിലെ സ്വര്ണവിലയില് വര്ധനവ് രേഖപ്പെടുത്തിയത്. എന്നാല് ഉച്ചയ്ക്കുശേഷം സ്വര്ണവില കുറയുകയായിരുന്നു. ഒക്ടോബര് 17ന് രേഖപ്പെടുത്തിയ റെക്കോര്ഡ് വിലയായ 97,360 രൂപയാണ് ഇന്നു രാവിലെയും രേഖപ്പെടുത്തിയത്. സ്വര്ണവില ഈ മാസം ഇനിയും കുറയുമെന്നാണ് വിദഗ്ധര് പറയുന്നത്.