സ്വര്‍ണവില വീണ്ടും വര്‍ധിച്ച് 90,000 കടന്നു

കൊച്ചി: സംസ്ഥാനത്ത് സ്വര്‍ണവില വീണ്ടും വര്‍ധിച്ചു. വെള്ളിയാഴ്ച രാവിലെ കുത്തനെയിടിഞ്ഞ സ്വര്‍ണവില ഉച്ചതിരിഞ്ഞ് വീണ്ടും വര്‍ധിച്ചു. സ്വര്‍ണം ഗ്രാമിന് 130 രൂപ വര്‍ധിച്ച് 11,340 രൂപയായി. പവന് 1,040 രൂപ വര്‍ധിച്ച് 90,720 രൂപക്കാണ് വില്‍പ്പന നടക്കുന്നത്. റെക്കോഡ് കുതിപ്പില്‍നിന്ന് ഇന്ന് രാവിലെയാണ് സ്വര്‍ണം ഗ്രാമിന് 170 രൂപ കുറഞ്ഞ് 11,210 രൂപയും. പവന് 1,360 രൂപ കുറഞ്ഞ് 89,680 രൂപയുമായത്.

18 കാരറ്റ് സ്വര്‍ണത്തിന് ഗ്രാമിന് 105 രൂപ വര്‍ധിച്ച് 9,325 രൂപയാണ് വില, 14 കാരറ്റ് സ്വര്‍ണത്തിന് 7,255 രൂപയാണ് വില, 9 കാരറ്റ് സ്വര്‍ണത്തിന് 5,670 രൂപയാണ് വില. വെള്ളി ഗ്രാമിന് അഞ്ച് രൂപ വര്‍ധിച്ച് 167 രൂപയായി.

ഇന്നലെ സ്വര്‍ണം ഗ്രാമിന് 20 രൂപ വര്‍ധിച്ച് 11,380 രൂപയായിരുന്നു വില. പവന് 160 രൂപ വര്‍ധിച്ച് 91,040 രൂപയുമായിരുന്നു. ബുധനാഴ്ച സ്വര്‍ണവില 90,000 രൂപ പിന്നിട്ടിരുന്നു. ഗ്രാമിന് 105 രൂപ വര്‍ധിച്ച് 11,290 രൂപയും. പവന് 840 രൂപ വര്‍ധിച്ച് 90,320 രൂപയുമായിരുന്നു. ഉച്ചയ്ക്ക് ശേഷം വീണ്ടും കൂടി ഗ്രാമിന് 70 രൂപ വര്‍ധിച്ച് 11,360 രൂപയിലെത്തി. പവന് 560 രൂപ വര്‍ധിച്ച് 90,880 രൂപയായിരുന്നു. ചരിത്രത്തിലാദ്യമായാണ് സ്വര്‍ണവില ഇത്ര ഉയര്‍ന്നിരുന്നത്.