സ്വര്‍ണവില ഇടിഞ്ഞു

കൊച്ചി: സംസ്ഥാനത്ത് സ്വര്‍ണവിലയില്‍ നേരിയ ഇടിവ്. ഇന്ന് ഗ്രാമിന് 75 രൂപ കുറഞ്ഞ് 13,125 രൂപയും പവന് 600 രൂപ കുറഞ്ഞ് 1,05,000 രൂപയായി. 18 കാരറ്റ് സ്വര്‍ണം ഗ്രാമിന് 65 രൂപ കുറഞ്ഞ് 10,880 രൂപയായി. വെള്ളിവില ഗ്രാമിന് 10 രൂപ കൂടി 295 രൂപയായി.

ഇന്നലെ രണ്ട് തവണ വില ഉയര്‍ന്നതോടെയാണ് സ്വര്‍ണത്തിന്റെ നിരക്ക് സര്‍വകാല റെക്കോഡിലെത്തിയത്. രാവിലെ ഗ്രാമിന് 100 രൂപ കൂടി 13,165ലും പവന്‍ സ്വര്‍ണത്തിന്റെ വില 800 രൂപ വര്‍ധിച്ച് 105,320 രൂപയിലെത്തിയിരുന്നു. ഉച്ചയ്ക്ക് ശേഷം ഗ്രാമിന് 35 രൂപ കൂടി 13,200ലെത്തി. ഒരു പവന്‍ സ്വര്‍ണത്തിന് 280 രൂപ വര്‍ധിച്ച് 1,05,600 രൂപയായി പുതിയ റെക്കോഡിലെത്തി. കേരളത്തില്‍ വില കുറഞ്ഞെങ്കിലും അന്താരാഷ്ട്ര വിപണിയില്‍ സ്വര്‍ണവില ഉയരുകയാണ്. ട്രോയ് ഔണ്‍സിന് 4,593.39 ഡോളറിലാണ് ഇന്ന് വില്‍പ്പന പുരോഗമിക്കുന്നത്. വെള്ളിവില ഔണ്‍സിന് 1.61 ഡോളര്‍ ഉയര്‍ന്ന് 88.01 ഡോളറിലെത്തി. വില ഇനിയും ഉയരാനുള്ള സാധ്യതയാണ് ഇത് സൂചിപ്പിക്കുന്നത്. ഇറാനിലെയും വെനിസ്വേലയിലെയും അമേരിക്കന്‍ ഇടപെടലാണ് സ്വര്‍ണവിലയെ സ്വാധീനിക്കുന്നത്.