പേരാമ്പ്ര സംഘര്ഷം; ഷാഫി പറമ്പിലിനെ ലാത്തി കൊണ്ട് അടിക്കുന്ന ദൃശ്യങ്ങള് പുറത്ത്
പോലിസിന്റെ വാദം പൊളിഞ്ഞു
കോഴിക്കോട്: പേരാമ്പ്ര സംഘര്ഷത്തില് ഷാഫി പറമ്പില് എംപിക്ക് നേരെ ലാത്തിച്ചാര്ജ് നടത്തിയിട്ടില്ലെന്ന എസ്പിയുടെ വാദം പൊളിക്കുന്ന ദൃശ്യങ്ങള് പുറത്ത്. ഷാഫിയെ ലാത്തി കൊണ്ട് പോലിസ് അടിക്കുന്നതിന്റെ ദൃശ്യങ്ങള് പുറത്തുവന്നു. പോലിസ് ലാത്തി വീശിയില്ലെന്നും പ്രകോപിതരായ യുഡിഎഫ് പ്രവര്ത്തകരെ പിരിച്ചുവിടാന് കണ്ണീര് വാതകമാണ് പ്രയോഗിച്ചതെന്നുമാണ് പോലിസിന്റെ വാദം. അതിനിടയിലായിരിക്കാം ഷാഫിക്ക് പരിക്കേറ്റതെന്നായിരുന്നു പോലിസ് പറഞ്ഞത്.
പിന്നില് നില്ക്കുന്ന പോലിസ് ഉദ്യോഗസ്ഥനാണ് ഷാഫിക്ക് നേരെ ലാത്തി വീശുന്നതെന്ന് ദൃശ്യങ്ങളില് നിന്ന് വ്യക്തമാകുന്നത്. ഷാഫിയുടെ തലയുടെ ഒരു ഭാഗത്തും മൂക്കിനും പരിക്കേറ്റിരുന്നു. പേരാമ്പ്രയില് നടന്നത് പോലിസ് നരനായാട്ടെന്ന് കോണ്ഗ്രസ് നേതാവ് എംകെ രാഘവന് പ്രതികരിച്ചു. കേരളത്തില് പോലിസ് രാജ് അനുവദിക്കില്ലെന്നും അദ്ദേഹം വ്യക്തമാക്കി.
സംഘര്ഷത്തില് പരിക്കേറ്റ ഷാഫി പറമ്പിലിനെ കോഴിക്കോട് ബേബി മെമ്മോറിയല് ആശുപത്രിയില് പ്രവേശിപ്പിച്ചിരുന്നു. മൂക്കിന് പരിക്കേറ്റ എംപിയെ ശസ്ത്രക്രിയയ്ക്ക് വിധേയനാക്കി. മൂക്കിന്റെ രണ്ട് ഭാഗങ്ങളില് പൊട്ടലേറ്റ എംപിയുടെ ശസ്ത്രക്രിയ ഇന്ന് പുലര്ച്ചെ പൂര്ത്തിയായി.