ഫാഷിസ്റ്റ് ഭീഷണി: ജനങ്ങളുടെ സുരക്ഷക്ക് യോജിച്ച നീക്കമുണ്ടാവണമെന്ന് മുനവ്വറലി തങ്ങള്
വൈവിവിധ്യങ്ങള് ആഘോഷിച്ച നാടാണ് ഇന്ത്യ. അതിനിടയില് ഭിന്നപ്പിന്റെ രാഷ്ട്രീയം അനുവദിക്കരുത്. സൗഹൃദത്തിന്റെ കരുതല് ഒരുക്കി പാരസ്പര്യബോധത്തിലെത്താന് സാധിക്കണമെന്നും തങ്ങള് പറഞ്ഞു.
മലപ്പുറം: രാജ്യത്ത് വര്ഗീയത വളര്ത്താന് മതത്തെ ആയുധമാക്കുന്ന ശ്രമമാണ് ഫാഷിസ്റ്റുകള് നടത്തുന്നതെന്നും രാഷ്ട്രത്തിന്റേയും ജനങ്ങളുടേയും സുരക്ഷക്കു വേണ്ടി യോജിച്ച നീക്കങ്ങളുണ്ടാവണമെന്നും പാണക്കാട് സയ്യിദ് മുനവ്വറലി ശിഹാബ് തങ്ങള്. രാജ്യത്തെ ഏക സ്വരമാക്കാന് ഹിറ്റ്ലര് രീതിയിലാണ് ഫാഷിസ്റ്റ് ശക്തികള് അജണ്ട ഒരുക്കുന്നത്. വിശ്വാസത്തെയും വികാരങ്ങളേയും ചൂഷണം ചെയ്താണ് ഇതിനുള്ള ശ്രമങ്ങള് നടത്തുന്നത്.
രാജ്യത്ത് പ്രതിസന്ധി സൃഷ്ടിക്കുന്ന ഫാഷിസിസ്റ്റ് നീക്കങ്ങളെ തടയിടാന് വൈകാരിക പ്രതിരോധമല്ല ആശയ പ്രതിരോധമാണ് സ്വീകരിക്കേണ്ടത്. വൈവിവിധ്യങ്ങള് ആഘോഷിച്ച നാടാണ് ഇന്ത്യ. അതിനിടയില് ഭിന്നപ്പിന്റെ രാഷ്ട്രീയം അനുവദിക്കരുത്. സൗഹൃദത്തിന്റെ കരുതല് ഒരുക്കി പാരസ്പര്യബോധത്തിലെത്താന് സാധിക്കണമെന്നും തങ്ങള് പറഞ്ഞു. എസ്കെഎസ്എസ്എഫ് ജില്ലാ കമ്മിറ്റി മലപ്പുറം പ്രസ് ക്ലബ്ബില് സംഘടിപ്പിച്ച മാനവിക സദസ് ഉദ്ഘാടനം ചെയ്യുകയായിരുന്നു തങ്ങള്.
രാഷ്ട്ര രക്ഷക്ക് സൗഹൃദത്തിന്റെ കരുതല് എന്ന ശീര്ഷകത്തില് നടന്ന സദസില് ജില്ലാ പ്രസിഡന്റ് സയ്യിദ് ഹാശിറലി ശിഹാബ് തങ്ങള് അധ്യക്ഷനായി. സയ്യിദ് നിയാസലി ശിഹാബ് തങ്ങള്, മുനീര് ഹുദവി വിളയില്, ജില്ലാ പഞ്ചായത്ത് അംഗങ്ങളായ എ പി ഉണ്ണികൃഷ്ണന്, കെ ടി അഷ്റഫ്, എസ്വൈഎസ് ജില്ലാ സെക്രട്ടറി ശമീര് ഫൈസി ഒടമല, മുസ്ലിം യൂത്ത് ലീഗ് സംസ്ഥാന സെക്രട്ടറി മുജീബ് കാടേരി, യൂത്ത് കോണ്ഗ്രസ് സംസ്ഥാന വൈസ് പ്രസിഡന്റ് റിയാസ് മുക്കോളി, എസ്എഫ്ഐ ജില്ലാ പ്രസിഡന്റ് ഇ അഫ്സല്, മലപ്പുറം പ്രസ് ക്ലബ്ബ് പ്രസിഡന്റ് ശംസുദ്ദീന് മുബാറക്, പ്രസ് ക്ലബ്ബ് സെക്രട്ടറി കെ പി എം റിയാസ്, എസ്കെഎസ്എസ്എഫ് ജില്ലാ ജനറല് സെക്രട്ടറി ഉമറുല് ഫാറൂഖ് ഫൈസി മണിമൂളി, സെക്രട്ടറി ഇസ്മാഈല് അരിമ്പ്ര സംസാരിച്ചു. ജില്ലാ ഭാരവാഹികളായ സല്മാന് ഫൈസി തിരൂര്ക്കാട്,മുഹമ്മദലി ഫൈസി അഞ്ചച്ചവടി,മുഹ്്സിന് വെള്ളില,സൈനുദ്ദീന് കുഴിമണ്ണ,സമദ് വാഴയൂര് നേതൃത്വം നല്കി. റിപ്പബ്ലിക് ദിനത്തില് മലപ്പുറം മേല്മുറിയില് നടക്കുന്ന മനുഷ്യജാലിക ഭാഗമായാണ് മാനവിക സദസ് സംഘടിപ്പിച്ചത്.
RELATED STORIES
'400 സ്ത്രീകളെ ബലാല്സംഗം ചെയ്തയാള്ക്ക് വോട്ട് ചെയ്യാനാണ് പറയുന്നത്'; ...
2 May 2024 2:13 PM GMTഡ്രൈവിങ് ടെസ്റ്റ് പരിഷ്കരണത്തിനെതിരായ സമരം; മലപ്പുറം ജില്ലക്കെതിരായ...
2 May 2024 1:20 PM GMT'ബിജെപിക്ക് വോട്ട്'; അധിര് രഞ്ജന് ചൗധരിക്കെതിരേ തൃണമൂലും മമതയും
2 May 2024 11:40 AM GMTപോലിസുകാരനെ വിഷദ്രാവകം കുത്തിവെച്ച് കൊലപ്പെടുത്തി ലഹരി സംഘം
2 May 2024 11:39 AM GMTവടകരയിലെ വർഗീയ ധ്രുവീകരണം കലക്ടർ ഇടപെടണം: എസ്ഡിപിഐ
2 May 2024 11:38 AM GMTനോട്ടയ്ക്ക് വോട്ട് ചെയ്യാന് ആഹ്വാനം ചെയ്ത് കോണ്ഗ്രസ്|thejasnews
2 May 2024 11:27 AM GMT