കെ എസ് ഷാന് കൊലക്കേസ്: കുറ്റപത്രം മടക്കിനല്കണമെന്ന പ്രതികളുടെ ഹരജി തിങ്കളാഴ്ചത്തേക്ക് മാറ്റി
ആലപ്പുഴ: എസ് ഡിപിഐ സംസ്ഥാന സെക്രട്ടറിയായിരുന്ന അഡ്വ. കെഎസ് ഷാനെ വെട്ടിക്കൊലപ്പെടുത്തിയ കേസിലെ കുറ്റപത്രം മടക്കിനല്കണമെന്ന പ്രതികളുടെ ഹരജി ആലപ്പുഴ അഡീഷനല് സെഷന്സ് കോടതി തിങ്കളാഴ്ചത്തേക്ക് മാറ്റി. ഇന്ന് പ്രോസിക്യൂഷന് ഭാഗത്തിന്റെ വാദം കേട്ട ശേഷമാണ് മാറ്റിയത്. പ്രോസിക്യൂഷനു വേണ്ടി സ്പെഷ്യല് പ്രോസിക്യൂട്ടര് പി പി ഹാരിസ് ഹാജരായി. അടുത്ത ദിവസം പ്രതിഭാഗത്തിന്റെ വാദം കേള്ക്കും. ബിജെപിആര്എസ്എസ് പ്രവര്ത്തകരായ 11 പേരാണ് കേസിലെ പ്രതികള്. കൈംബ്രാഞ്ച് ഡിവൈഎസ്പിയായിരുന്ന കെ വി ബെന്നിയാണ് കുറ്റപത്രം സമര്പ്പിച്ചത്. എന്നാല് സ്റ്റേഷന് ഹൗസ് ഓഫിസറാണ് കുറ്റപത്രം സമര്പ്പിക്കേണ്ടതെന്നും അതിനാല് കുറ്റപത്രം മടക്കണം എന്നും ആവശ്യപ്പെട്ടാണ് പ്രതികള് ഹൈക്കോടതിയെ സമീപിച്ചത്. സര്ക്കാര് ചുമതലപ്പെടുത്തിയ ഉദ്യോഗസ്ഥന് തന്നെയാണ് കുറ്റപത്രം നല്കിയതെന്നും അതിനാല് ഹരജി നിലനില്ക്കില്ലെന്നും പ്രോസിക്യൂഷന് വാദിച്ചു. കേസിലെ എല്ലാ പ്രതികളും ഇപ്പോള് ജാമ്യത്തിലാണ്. 2021 ഡിസംബര് 18ന് രാത്രിയാണ് വീട്ടിലേക്കുള്ള വഴിമധ്യേ ബൈക്കില് വാഹനം ഇടിച്ചുവീഴ്ത്തിയ ശേഷം ആര്എസ്എസ് സംഘം അഡ്വ. കെ എസ് ഷാനെ വെട്ടിക്കൊലപ്പെടുത്തിയത്. ഇതിനു മണിക്കൂറുകള്ക്കു ശേഷം നടന്ന ബിജെപി ഒബിസി മോര്ച്ചാ നേതാവ് അഡ്വ. രഞ്ജിത് ശ്രീനിവാസന് കൊലക്കേസില് കഴിഞ്ഞ ദിവസം 15 പ്രതികള്ക്കും കോടതി വധശിക്ഷ വിധിച്ചിരുന്നു.
RELATED STORIES
ഒരു കോടി രൂപയുടെ ഓണ്ലൈന് തട്ടിപ്പ്; മുഖ്യകണ്ണി കര്ണാടകയില്...
9 May 2024 4:30 PM GMTതിയ്യതി ലഭിച്ച അപേക്ഷകര് സ്വന്തം വാഹനവുമായി എത്തണം; നാളെ മുതല്...
9 May 2024 2:54 PM GMTഎയര് ഇന്ത്യ എക്സ്പ്രസ് ജീവനക്കാരുടെ സമരം പിന്വലിക്കും; പിരിച്ചുവിട്ട ...
9 May 2024 2:48 PM GMTഅയോധ്യയില് രാം ലല്ലയെ കണ്ടുവണങ്ങി ഗവര്ണര് ആരിഫ് മുഹമ്മദ് ഖാന്
9 May 2024 2:15 PM GMTഇടുക്കിയില് കാര് 600 അടി താഴ്ചയിലേക്ക് മറിഞ്ഞ് അപകടം; രണ്ടുമരണം
9 May 2024 2:02 PM GMTക്ഷേത്രങ്ങളിൽ പ്രസാദത്തിലും നിവേദ്യത്തിലും ഇനി അരളിപ്പൂ ഇല്ല
9 May 2024 1:49 PM GMT