ഏഷ്യന് അത്ലറ്റിക്സ് ചാംപ്യന്ഷിപ്പ്; മലയാളി താരം അബ്ദുല്ല അബൂബക്കറിന് സ്വര്ണം
ബാങ്കോക്ക്: ഏഷ്യന് അത്ലറ്റിക്സ് ചാംപ്യന്ഷിപ്പിന്റെ രണ്ടാം ദിനം ഇന്ത്യയ്ക്ക് മൂന്ന് സ്വര്ണമെഡലുകള്. പുരുഷന്മാരുടെ ട്രിപ്പിള് ജംപില് മലയാളിയായ അബ്ദുല്ല അബൂബക്കര്, വനിതകളുടെ 100 മീറ്റര് ഹര്ഡില്സില് ജ്യോതി യാരാജി, പുരുഷന്മാരുടെ 1500 മീറ്ററില് അജയ് കുമാര് സരോജ് എന്നിവരാണ് ഇന്ത്യയുടെ സ്വര്ണ നേട്ടക്കാര്. കോമണ്വെല്ത്ത് ഗെയിംസിലെ വെള്ളി മെഡല് ജേതാവാണ് അബ്ദുല്ല അബൂബക്കര്. ഇതോടൊപ്പം വനിതകളുടെ 400 മീറ്ററില് ഐശ്വര്യ മിശ്രയും ഡെക്കാത്തലണില് തേജസ്വിന് ശങ്കറും വെങ്കലം നേടി. ട്രിപ്പിള് ജംപില് 16.92 മീറ്റര് കണ്ടെത്തിയാണ് അബ്ദുല്ല അബൂബക്കര് സ്വര്ണമണിഞ്ഞത്. ജപ്പാന്റെ ഇകെഹാത ഹികാരു (16.73 മീ), കൊറിയയുടെ ജാങ്വൂ കിം (16.59 മീറ്റര്) എന്നിവരെയാണ് മറികടന്നത്. ആദ്യ ശ്രമം ഫൗളായെങ്കിലും നാലാം ശ്രമത്തില് 16.92 മീറ്റര് ചാടിയ അബൂബക്കര് സ്വര്ണം ഉറപ്പിക്കുകയായിരുന്നു. കോഴിക്കോട് നാദാപുരം സ്വദേശിയാണ്.
23കാരിയായ ജ്യോതി യാരാജി 13.09 സെക്കന്ഡില് ഫിനിഷ് ചെയ്താണ് ഹര്ഡില്സില് സ്വര്ണമണിഞ്ഞത്. ഫൈനലില് ജാപ്പനീസ് താരങ്ങളായ ടെറാഡ അസുക്ക (13.13 സെക്കന്ഡ്), ഓക്കി മസൂമി (13.26 സെക്കന്ഡ്) എന്നിവരെ മറികടന്നാണ് ജ്യോതിയുടെ മെഡല് നേട്ടം. കഴിഞ്ഞ മാസം നടന്ന ദേശീയ അന്തര് സംസ്ഥാന ചാമ്പ്യന്ഷിപ്പില് 12.82 സെക്കന്ഡില് ഫിനിഷ് ചെയ്തതാണ് ജ്യോതിയുടെ ദേശീയ റെക്കോഡ്. പുരുഷന്മാരുടെ 1500 മീറ്ററില് 3:41.51 സെക്കന്ഡില് ഫിനിഷ് ചെയ്താണ് അജയ് കുമാര് സരോജ് സ്വര്ണം നേടിയത്. ഏഷ്യന് അത്ലറ്റിക്സ് ചാമ്പ്യന്ഷിപ്പില് താരത്തിന്റെ മൂന്നാം മെഡലാണിത്. 2017ല് ഭുവനേശ്വറില് സ്വര്ണവും 2019ല് ദോഹയില് വെള്ളി മെഡലും അജയ് കുമാര് നേടിയിരുന്നു. ബുധനാഴ്ച പുരുഷന്മാരുടെ 10,000 മീറ്റര് ഓട്ടത്തില് വെങ്കലവുമായി അഭിഷേക് പാലാണ് ഇന്ത്യയുടെ മെഡല് അക്കൗണ്ട് തുറന്നത്.
RELATED STORIES
കനത്ത മഴ; കൊച്ചിയില് കേബിളുകള് പൊട്ടി ട്രെയിന് ഗതാഗതം താളംതെറ്റി
8 May 2024 4:23 PM GMTകാറപകടത്തില് പരിക്കേറ്റ ബിലീവേഴ്സ് ചര്ച്ച് അധ്യക്ഷന് കെ പി...
8 May 2024 4:14 PM GMTവിവാദ പരാമര്ശം; സാം പിത്രോഡ ഇന്ത്യന് ഓവര്സീസ് കോണ്ഗ്രസ്...
8 May 2024 2:06 PM GMTകാട്ടാന ആക്രമണത്തില് കൊല്ലപ്പെട്ട മുകേഷിന്റെ കുടുംബത്തിന് നഷ്ടപരിഹാരം ...
8 May 2024 1:45 PM GMTപ്രമുഖ സംവിധായകന് സംഗീത് ശിവന് അന്തരിച്ചു
8 May 2024 1:17 PM GMTഎസ്എസ്എല്സി ഫല പ്രഖ്യാപനം ഇന്ന്
8 May 2024 6:48 AM GMT