|    Oct 23 Tue, 2018 10:18 pm
FLASH NEWS
Home   >  Kerala   >  

ദുരിതാശ്വാസം: അനര്‍ഹമായി കൈപ്പറ്റിയ 192 പേരുടെ തുക തിരികെ ഈടാക്കി

Published : 30th September 2018 | Posted By: sruthi srt

പത്തനംതിട്ട: പ്രളയദുരിതാശ്വാസം അനര്‍ഹമായി കൈപ്പറ്റിയതായി കണ്ടെത്തിയ 301 ആളുകളില്‍ 192 പേരില്‍ നിന്നും തുക തിരികെ ഈടാക്കി. 109 പേരില്‍ നിന്നും തുക തിരികെ വാങ്ങുന്നതിനുള്ള നടപടികള്‍ നടന്നുവരുകയാണ്. അടൂരില്‍ അനര്‍ഹമായി കണ്ടെത്തിയ 105 കേസുകളില്‍ 81 എണ്ണത്തില്‍ തുക തിരികെ ഈടാക്കി.

കോഴഞ്ചേരിയിലെ 62 കേസുകളില്‍ 52 എണ്ണത്തിലും മല്ലപ്പള്ളിയില്‍ ആകെയുള്ള ഒമ്പത് കേസുകളിലും കോന്നിയിലെ 92 കേസുകളിലെ 20 എണ്ണത്തിലും റാന്നിയില്‍ ആകെയുള്ള 25 കേസുകളിലും തിരുവല്ലയിലെ എട്ട് കേസുകളില്‍ അഞ്ച് എണ്ണത്തിലുമാണ് തുക തിരികെ ഈടാക്കിയത്. അടൂരില്‍ 24ഉം കോഴഞ്ചേരിയില്‍ 10ഉം കോന്നിയില്‍ 72ഉം തിരുവല്ലയില്‍ മൂന്നും കേസുകളിലാണ് തുക ഇനി ഈടാക്കാനുള്ളത്. ഒരേ വീട്ടില്‍ നിന്നും ഒന്നിലധികം ആളുകള്‍ അപേക്ഷ നല്‍കിയതുമൂലമാണ് തുക നല്‍കുന്നതില്‍ ഇരട്ടിപ്പ് വന്നത്. റേഷന്‍ കാര്‍ഡ് പരിശോധിച്ച് ഇത്തരത്തിലുള്ള അനര്‍ഹരെ കണ്ടെത്തിയാണ് തുക ഈടാക്കിയത്‌

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss