ഫൈവ് ജി സ്പെക്ട്രം ലേലം: ആദ്യ ദിനം 1.45 ലക്ഷം കോടി കടന്നു
റിലയന്സ് ജിയോ, ഭാരതി എയര്ടെല്, വോഡഫോണ് ഐഡിയ, അദാനി എന്റര്പ്രൈസസ് എന്നി കമ്പനികളാണ് ലേലത്തില് പങ്കെടുക്കുന്നത്.
ന്യൂഡല്ഹി: രാജ്യത്ത് നടക്കുന്ന ഫൈവ് ജി സ്പെക്ട്രം ലേലത്തിന്റെ ആദ്യ ദിനം 1.45 ലക്ഷം കോടി കടന്നതായി കേന്ദ്രസര്ക്കാര്. നാലു റൗണ്ട് പൂര്ത്തിയായപ്പോഴാണ് ലേല തുക 1.45 ലക്ഷം കോടി കടന്നത്. അഞ്ചാമത്തെ റൗണ്ട് നാളെ നടക്കുമെന്ന് കേന്ദ്ര ടെലികോം മന്ത്രി അശ്വിനി വൈഷ്ണവ് പറഞ്ഞു.
റിലയന്സ് ജിയോ, ഭാരതി എയര്ടെല്, വോഡഫോണ് ഐഡിയ, അദാനി എന്റര്പ്രൈസസ് എന്നി കമ്പനികളാണ് ലേലത്തില് പങ്കെടുക്കുന്നത്. ആഗസ്ത് ഒന്നോടെ സ്പെക്ട്രം ലേലം പൂര്ത്തിയാക്കാന് കഴിയുമെന്ന പ്രതീക്ഷയിലാണ് സര്ക്കാര്. ഈ വര്ഷം അവസാനത്തോടെ ഫൈവ് ജി സേവനം രാജ്യത്ത് നിലവില് വരുമെന്നും മന്ത്രി അറിയിച്ചു. 700 മെഗാ ഹെര്ട്സിലും ലേലം നടന്നതായും മന്ത്രി പറഞ്ഞു.
4.3 ലക്ഷം കോടി രൂപ വിലമതിക്കുന്ന 5ജി സ്പെക്ട്രം പരിധിയാണ് ലേലത്തിനുള്ളത്. രാവിലെ 10 മണിക്കാണ് ലേലം ആരംഭിച്ചത്. ആരംഭിച്ച ലേലം ആറ് മണി വരെ തുടരും.റേഡിയോ തരംഗങ്ങളുടെ ആവശ്യകത അനുസരിച്ചാവും ലേലം എത്ര ദിവസം നീണ്ട് നില്ക്കുമെന്ന് പറയാനാവുക.
600 മെഗാഹെര്ട്സ്, 700 മെഗാഹെര്ട്സ്, 800 മെഗാഹെര്ട്സ്, 900 മെഗാഹെര്ട്സ്, 1800 മെഗാഹെര്ട്സ്, 2100 മെഗാഹെര്ട്സ്, 2300 മെഗാഹെര്ട്സ് തുടങ്ങിയ ലോ ഫ്രീക്വന്സികള്ക്കും, 3300 മെഗാഹെര്ട്സ് മിഡ്റേഞ്ച് ഫ്രീക്വന്സിക്കും 26 ഗിഗാഹെര്ട്സ്) ഹൈ റേഞ്ച് ഫ്രീക്വന്സി ബാന്ഡിനും വേണ്ടിയുള്ള ലേലമാണ് നടക്കുന്നത്.
RELATED STORIES
അയോധ്യയില് രാം ലല്ലയെ കണ്ടുവണങ്ങി ഗവര്ണര് ആരിഫ് മുഹമ്മദ് ഖാന്
9 May 2024 2:15 PM GMTഇടുക്കിയില് കാര് 600 അടി താഴ്ചയിലേക്ക് മറിഞ്ഞ് അപകടം; രണ്ടുമരണം
9 May 2024 2:02 PM GMTക്ഷേത്രങ്ങളിൽ പ്രസാദത്തിലും നിവേദ്യത്തിലും ഇനി അരളിപ്പൂ ഇല്ല
9 May 2024 1:49 PM GMTഫേസ്ബുക്കിലൂടെ മതസ്പര്ധ വളര്ത്താന് ശ്രമിച്ചെന്ന കേസ്: സി എ റഊഫിനെ...
9 May 2024 1:21 PM GMTമുസ് ലിം സംവരണം വെട്ടിക്കുറയ്ക്കാനുള്ള നീക്കത്തില് നിന്ന് ഇടതു...
9 May 2024 10:11 AM GMTപോക്സോ കേസിൽ പ്രതിക്ക് 61 വർഷം കഠിനതടവ്
9 May 2024 8:15 AM GMT