|    Oct 16 Tue, 2018 9:27 pm
FLASH NEWS
Home   >  National   >  

ടെലികോം കമ്പനികള്‍ ആധാര്‍ വേര്‍പെടുത്താന്‍ 15നകം പദ്ധതി സമര്‍പ്പിക്കണം

Published : 1st October 2018 | Posted By: G.A.G

ന്യൂഡല്‍ഹി: ഉപഭോക്താക്കളുടെ ആധാര്‍ നമ്പര്‍ ഉപയോഗിക്കുന്നത് അവസാനിപ്പിക്കാന്‍ ഒക്ടോബര്‍ 15നകം ഒരു ഡി ലിങ്കിങ് പദ്ധതി സമര്‍പ്പിക്കാന്‍ യുഐഡിഎഐ ടെലികോം കമ്പനികള്‍ക്ക് നിര്‍ദേശം നല്‍കി. ആധാറിന്റെ ഭരണഘടനാ സാധുതയും ഉപയോഗവും സംബന്ധിച്ച സുപ്രീം കോടതി വിധിയുടെ പശ്ചാത്തലത്തിലാണിത്. ബാങ്ക് എക്കൗണ്ടിനും മൊബൈല്‍ ഫോണിനും ആധാര്‍ വേണ്ടെന്നും ബാങ്കുകളും ഫോണ്‍ കമ്പനികളും ആധാര്‍ ലിങ്ക് ചെയ്യാന്‍ നിര്‍ബന്ധിക്കരുതെന്നും സുപ്രീംകോടതി വ്യക്തമാക്കിയിരുന്നു.
എല്ലാ ടെലികോം സേവനദാതാക്കളും കോടതിവിധി നടപ്പാക്കാന്‍ നടപടിയെടുക്കണമെന്നാണ് യുഐഡിഎഐ ആവശ്യപ്പെട്ടിട്ടുള്ളത്. ഭാരതി എയര്‍ടെല്‍, റിലയന്‍സ് ജിയോ, വോഡാഫോണ്‍, ഐഡിയ തുടങ്ങിയ കമ്പനികള്‍ക്ക് അയച്ച സന്ദേശത്തില്‍ ഉപഭോക്താക്കളുടെ മൊബൈല്‍ഫോണ്‍ സേവനം ആധാറുമായി ബന്ധപ്പെടുത്തിയത് ഒഴിവാക്കാനുള്ള പദ്ധതി സമര്‍പ്പിക്കണമെന്നും നിര്‍ദേശിച്ചിട്ടുണ്ട്.

ആധാര്‍ ഉപയോഗിക്കാന്‍ പാടില്ലെന്നു വരുമ്പോള്‍ പകരം എന്തു ചെയ്യണമെന്നതു സംബന്ധിച്ച് കമ്പനികള്‍ക്ക് അവരുടേതായ പദ്ധതികളുണ്ടാവും. അത് 15നുള്ളില്‍ തയ്യാറാക്കി സമര്‍പ്പിക്കാനാണ് ആവശ്യപ്പെട്ടിട്ടുള്ളതെന്ന് യുഐഡിഎഐ സിഇഒ അജയ് ഭൂഷന്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss