98 ലോക്സഭാ മണ്ഡലങ്ങളിലേക്കുള്ള രണ്ടാം ഘട്ട തിരഞ്ഞെടുപ്പ് വിജ്ഞാപനം ഇന്നിറങ്ങും
തിരുവനന്തപുരം: കേരളം ഉള്പ്പെടെ രണ്ടാംഘട്ട തിരഞ്ഞെടുപ്പ് നടക്കുന്ന സംസ്ഥാനങ്ങളിലേക്കുള്ള തിരഞ്ഞെടുപ്പ് വിജ്ഞാപനം ഇന്ന് പുറത്തിറങ്ങും. ഏപ്രില് നാല് വരെ സ്ഥാനാര്ത്ഥികള്ക്ക് നാമ നിര്ദ്ദേശ പത്രിക സമര്പ്പിക്കാം. കേരളത്തിലെ 20 മണ്ഡലങ്ങള് ഉള്പ്പെടെ 98 മണ്ഡലങ്ങളില് ഏപ്രില് 26 ന് ആണ് തിരഞ്ഞെടുപ്പ് നടക്കുന്നത്. ആദ്യഘട്ട ലോക്സഭാ തിരഞ്ഞെടുപ്പിനുള്ള നാമ നിര്ദ്ദേശ പത്രികകളുടെ സൂക്ഷ്മ പരിശോധന ഇന്ന് തുടങ്ങും. ഈ മാസം 30 ആണ് നാമനിര്ദേശ പത്രിക പിന്വലിക്കാനുള്ള അവസാന തിയ്യതി. 102 മണ്ഡലങ്ങളിലേക്കാണ് ആദ്യഘട്ടത്തില് തിരഞ്ഞെടുപ്പ് നടക്കുന്നത്. ഉത്സവാഘോഷം കണക്കിലെടുത്ത് ബീഹാറില് ഇന്നും നാമനിര്ദ്ദേശപത്രിക സമര്പ്പിക്കാനാകും.
കേരളത്തില് ലോക്സഭാ തിരഞ്ഞെടുപ്പിനുള്ള നാമനിര്ദ്ദേശ പത്രികാ സമര്പ്പണത്തിനുള്ള തയ്യാറെടുപ്പുകള് പൂര്ത്തിയായെന്ന് തിരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു. സംസ്ഥാനത്ത് 20 ലോക്സഭാ മണ്ഡലങ്ങളിലേക്കും ബന്ധപ്പെട്ട റിട്ടേണിംഗ് ഓഫീസര്മാര്ക്കു മുമ്പാകെയാണ് പത്രിക സമര്പ്പിക്കേണ്ടത്. രാവിലെ 11 മുതല് വൈകിട്ട് മൂന്നു വരെയാണ് പത്രിക സ്വീകരിക്കുന്ന സമയം. ഏപ്രില് നാലിനാണ് അവസാന തിയ്യതി. സൂക്ഷ്മ പരിശോധന ഏപ്രില് അഞ്ചിന് നടക്കും. നാമനിര്ദേശ പത്രിക പിന്വലിക്കാനുള്ള അവസാന തിയ്യതി ഏപ്രില് എട്ടാണ്.
കൊല്ലത്തെ എല്ഡിഎഫ് സ്ഥാനാര്ത്ഥിയായി എം മുകേഷ് എംഎല്എ ഇന്ന് നാമനിര്ദ്ദേശപത്രിക സമര്പ്പിക്കും. രാവിലെ 11ന് വരണാധികാരിക്ക് പത്രിക നല്കും. പത്തരയോടെ ഹൈസ്കൂള് ജംഗ്ഷനിലുള്ള സിഐടിയു ഓഫീസില് നിന്ന് മുന്നണി നേതാക്കള്ക്കും പ്രവര്ത്തകര്ക്കുമൊപ്പം നാമനിര്ദ്ദേശപത്രിക സമര്പ്പിക്കാന് പുറപ്പെടും. മത്സ്യത്തൊഴിലാളികളാണ് സ്ഥാനാര്ത്ഥിക്ക് കെട്ടിവയ്ക്കാനുള്ള തുക കൈമാറിയത്.
RELATED STORIES
മണിപ്പൂരില് വീണ്ടും സംഘര്ഷം; രണ്ട് സിആര്പിഎഫ് ജവാന്മാര്...
27 April 2024 5:55 AM GMT'മുസ് ലിം വോട്ട് വേണം, സ്ഥാനാര്ഥികളെ വേണ്ട'; മഹാരാഷ്ട്ര കോണ്ഗ്രസ്...
27 April 2024 5:48 AM GMTപ്രതീക്ഷയും ആശങ്കയും ഒരു പോലെ, പോളിങ് ശതമാനത്തിലെ കുറവ്...
27 April 2024 5:36 AM GMTമനീഷ് സിസോദിയ ഉള്പ്പെടെയുള്ളവരുടെ റിമാന്റ് മെയ് എട്ടുവരെ നീട്ടി
27 April 2024 5:04 AM GMTജുഡീഷ്യറി വിരുദ്ധ പരാമര്ശം: മമതാ ബാനര്ജിക്കെതിരായ ഹരജി കല്ക്കട്ട...
27 April 2024 4:59 AM GMTകാണാതായ 10ാം ക്ലാസ്സ് വിദ്യാര്ഥിനിയും സുഹൃത്തായ യുവാവും തൂങ്ങി...
27 April 2024 2:47 AM GMT