ജല പരിസ്ഥിതി പരിപാലനം: അന്താരാഷ്ട്ര സമ്മേളനത്തിന് തുടക്കം
കോഴിക്കോട്: ജല പരിസ്ഥിതി പരിപാലനം സംബന്ധിച്ച അന്താരാഷ്ട്ര സമ്മേളനത്തിന് കുന്ദമംഗലം ജലവിഭവവികസന വിനിയോഗ കേന്ദ്രത്തില് (സിഡബ്ല്യുആര്ഡിഎം) തുടക്കമായി. കേരള ശാസ്ത്ര സാങ്കേതിക പരിസ്ഥിതി കൗണ്സിലിന്റെയും നബാര്ഡിന്റെയും സഹകരണത്തോടെ മൂന്നുദിവസങ്ങളിലായാണ് അന്താരാഷ്ട്ര സമ്മേളനം നടക്കുന്നത്. കാലിക്കറ്റ് യൂനിവേഴ്സിറ്റി വൈസ് ചാന്സലര് പ്രഫ. എം കെ ജയരാജ് സമ്മേളനത്തിന്റെ ഉദ്ഘാടനം നിര്വഹിച്ചു.
സമഗ്രമായ ജല പരിപാലനത്തിനായി ആഗോളതലത്തില് തന്നെ വ്യത്യസ്തവും സമകാലീനവുമായ സമീപനങ്ങള് പങ്കുവെക്കാനുള്ള വേദിയായിരിക്കുമിത്. ജലവിഭവ പരിപാലനം, ജല മലിനീകരണ പരിപാലന രംഗത്തെ നൂതന സാങ്കേതിക വിദ്യകള്, ഭൂഗര്ഗ ജല പരിപാലനം, തണ്ണീര് തടങ്ങള്, കാലവസ്ഥാ വ്യതിയാനം, നദീതടങ്ങള് തുടങ്ങിയ പത്ത് വിഷയങ്ങളില് ചര്ച്ചകള് നടക്കും. വിദഗ്ദ്ധരുടെ പ്രഭാഷണങ്ങളും ഗവേഷണ വിദ്യാര്ത്ഥികളുടെ പ്രബന്ധാവതരണങ്ങളും ഉണ്ടായിരിക്കും.
ചടങ്ങില് മുഖ്യമന്ത്രിയുടെ ശാസ്ത്ര ഉപദേഷ്ടാവ് ഡോ. എം സി ദത്തന്, നീതി ആയോഗ് സീനിയര് അഡ്വൈസര് ഡോ. നീലം പട്ടേല്, പ്രശസ്ത ജല ശാസ്ത്രഞ്ജന് പ്രഫ. വിജയ് പി സിംഗ്, കെഎസ്സിഎസ്ടിഇ എക്സിക്യൂട്ടിവ് വൈസ് പ്രസിഡന്റ് പ്രഫ. കെ പി സുധീര്, സിഡബ്ല്യൂആര്ഡിഎം എക്സിക്യൂട്ടീവ് ഡയറക്ടര് ഡോ. മനോജ് പി സാമുവല് തുടങ്ങിയവര് പങ്കെടുത്തു.
ജൂണ് 24ലെ സമാപന ചടങ്ങ് ജലവിഭവ വകുപ്പ് മന്ത്രി റോഷി അഗസ്റ്റിന് ഉദ്ഘാടനം ചെയ്യും. മേയര് ഡോ. ബീനാ ഫിലിപ്പ്, പിടിഎ റഹിം എംഎല്എ തുടങ്ങിയവര് പങ്കെടുക്കും.
RELATED STORIES
പരീക്ഷയില് പരാജയപ്പെട്ട 17കാരി കിടപ്പുമുറിയിലെ ഫാനില് തൂങ്ങിമരിച്ച...
9 May 2024 5:17 PM GMTഒരു കോടി രൂപയുടെ ഓണ്ലൈന് തട്ടിപ്പ്; മുഖ്യകണ്ണി കര്ണാടകയില്...
9 May 2024 4:30 PM GMTതിയ്യതി ലഭിച്ച അപേക്ഷകര് സ്വന്തം വാഹനവുമായി എത്തണം; നാളെ മുതല്...
9 May 2024 2:54 PM GMTഎയര് ഇന്ത്യ എക്സ്പ്രസ് ജീവനക്കാരുടെ സമരം പിന്വലിക്കും; പിരിച്ചുവിട്ട ...
9 May 2024 2:48 PM GMTഅപ്രഖ്യാപിത വൈദ്യുതി നിയന്ത്രണം: ഇടതു സര്ക്കാര് ജനങ്ങളെ...
9 May 2024 2:09 PM GMTക്ഷേത്രങ്ങളിൽ പ്രസാദത്തിലും നിവേദ്യത്തിലും ഇനി അരളിപ്പൂ ഇല്ല
9 May 2024 1:49 PM GMT