പാര്ശ്വഫലങ്ങളുണ്ടെന്ന വ്യാപകപരാതിക്കിടെ കൊവിഡ് വാക്സിന് പിന്വലിച്ച് ആസ്ട്രാസെനേക്ക
ന്യൂഡല്ഹി: പാര്ശ്വഫലങ്ങളുണ്ടെന്ന പരാതികള് വ്യാപകമാകുന്നതിനിടെ കൊവിഡ് വാക്സിന് പിന്വലിച്ച് നിര്മ്മാണ കമ്പനിയായ ആസ്ട്രാസെനേക്ക. ഉത്പാദനവും വിതരണവും പൂര്ണമായി അവസാനിപ്പിക്കുന്നതായി കമ്പനി അറിയിച്ചു. മാര്ക്കറ്റില് അവശേഷിക്കുന്ന സ്റ്റോക്ക് തിരിച്ചെടുക്കാനും തീരുമാനമായിട്ടുണ്ട്. 'ടെലഗ്രാഫ്' പത്രമാണ് വാര്ത്ത പ്രസിദ്ധീകരിച്ചിരിക്കുന്നത്. 51 പേര്ക്ക് ആരോഗ്യപ്രശ്നങ്ങളുണ്ടായി എന്ന പരാതി യുകെയില് നിന്നാണ് ആദ്യമായി ഉയര്ന്നുവന്നത്. ഇതിന് പിന്നാലെ കമ്പനി തന്നെ യുകെ ഹൈക്കോടതിയില് പാര്ശ്വഫലങ്ങളുള്ളതായി സമ്മതിച്ചു. ഇതോടെയാണ് സംഭവം വിവാദമാകുന്നത്. ഇന്ത്യയില് ഏറ്റവുമധികം പേര്ക്ക് നല്കിയതും കമ്പനിയുടെ കൊവിഷീല്ഡ് വാക്സിന് ആണ്. കനത്ത ആശങ്കയാണ് ഇത് ഇന്ത്യയിലും സൃഷ്ടിച്ചത്.
അതേസമയം പാര്ശ്വഫലങ്ങള് ഉള്ളതുകൊണ്ടല്ല വാക്സിന് പിന്വലിക്കുന്നതെന്നും വളരെയധികം വാക്സിനുകള് മാര്ക്കറ്റിലുള്ളതിനാല് വില്പ്പന കുത്തനെ കുറഞ്ഞതിനാലാണ് പിന്വലിക്കുന്നതെന്നാണ് കമ്പനിയുടെ വിശദീകരണം. യൂറോപ്പില് വാക്സിന് പിന്വലിക്കാന് അനുമതി നല്കണമെന്നാണ് കമ്പനി ആവശ്യപ്പെട്ടിരുന്നത്. ഇതിന് അനുമതി ലഭിച്ചിരിക്കുകയാണിപ്പോള്. പാര്ശ്വഫലങ്ങളെ കുറിച്ച് ആശങ്കപ്പെടേണ്ട എന്നാണ് കമ്പനി ആവര്ത്തിക്കുന്നത്. രക്തം കട്ട പിടിക്കുന്ന, അല്ലെങ്കില് പ്ലേറ്റ് ലെറ്റ് കൗണ്ട് കുറയ്ക്കുന്ന ടിടിഎസ് എന്ന അവസ്ഥയ്ക്ക് അപൂര്വം പേരില് വാക്സിന് സാധ്യതയുണ്ടാക്കുമെന്നായിരുന്നു കമ്പനി കോടതിയില് അറിയിച്ചിരുന്നത്.
RELATED STORIES
മാരകായുധങ്ങളുമായി എത്തിയ സംഘത്തെ നാട്ടുകാർ പിടികൂടി
19 May 2024 3:58 PM GMTഇറാൻ പ്രസിഡന്റ് ഇബ്രാഹിം റെയ്സി സഞ്ചരിച്ച ഹെലികോപ്റ്റർ...
19 May 2024 2:46 PM GMTഇറാന് പ്രസിഡന്റ് ഇബ്രാഹിം റൈസി സഞ്ചരിച്ചിരുന്ന ഹെലിക്കോപ്റ്റര്...
19 May 2024 2:41 PM GMTഇസ് ലാം: ഗവേഷണങ്ങൾക്കും ആധുനികതയ്ക്കും വഴി കാണിച്ച മതം: വിസ്ഡം യൂത്ത്
19 May 2024 1:14 PM GMTതൊഴിലാളി ചൂഷണത്തിനെതിരേ എസ് ഡിടിയു പോരാടും: അഡ്വ. എ എ റഹീം
19 May 2024 12:01 PM GMTഇസ്രായേലിന്റെ സാന്നിധ്യം; ഫിഫ വാര്ഷികാഘോഷത്തില് നിന്നും ഇറങ്ങിപ്പോയി ...
19 May 2024 11:15 AM GMT