പേവിഷ ബാധ;പ്രതിരോധ കുത്തിവയ്പ്പ് എടുത്തിട്ടും 12 കാരിയുടെ നില ഗുരുതരം
പേ വിഷബാധയ്ക്കെതിരായ മൂന്ന് പ്രതിരോധ കുത്തിവയ്പ്പുകളും പെണ്കുട്ടി എടുത്തിരുന്നു
പത്തനംതിട്ട: തെരുവുനായയുടെ ആക്രമണത്തില് പരിക്കേറ്റ 12 വയസുകാരി ഗുരുതരാവസ്ഥയില്.പേ വിഷബാധയ്ക്കെതിരായ മൂന്ന് പ്രതിരോധ കുത്തിവയ്പ്പുകളും പെണ്കുട്ടി എടുത്തിരുന്നു. റാന്നി പെരുനാട് മന്ദപ്പുഴ ചേര്ത്തലപ്പടി ഷീനാഭവനില് ഹരീഷിന്റെ മകള് അഭിരാമിയെ(12) ഗുരുതരാവസ്ഥയില് കോട്ടയം മെഡിക്കല് കോളജില് പ്രവേശിപ്പിച്ചു.
കഴിഞ്ഞ മാസം 14 ന് രാവിലെ പാല് വാങ്ങാന് പോകവേ പെരുനാട് കാര്മല് എഞ്ചിനീയറിംഗ് കോളേജ് റോഡില് വെച്ചാണ് കുട്ടിക്ക് തെരുവുനായയുടെ കടിയേല്ക്കുന്നത്. കണ്ണിലും കാലിലും കൈയ്യിലുമായി ഏഴിടത്ത് കടിയേറ്റു. പത്തനംതിട്ട ജനറല് ആശുപത്രിയില് പ്രവേശിപ്പിച്ച കുട്ടിക്ക് അവിടെ നിന്നാണ് ആദ്യത്തെ വാക്സിന് എടുക്കുന്നത്. രണ്ട് വാക്സിന് പെരുനാട് കുടുംബാരോഗ്യ കേന്ദ്രത്തില് നിന്നുമാണ് സ്വീകരിച്ചത്.
നാലാമത്തെ വാക്സിന് ഈ മാസം 10ന് എടുക്കണമെന്ന് ആശുപത്രിയില് നിന്ന് അറിയിച്ചിരുന്നു.എന്നാല് അതിനു മുമ്പ് കുട്ടിയുടെ നില വഷളാവുകയായിരുന്നു. വെള്ളിയാഴ്ച്ച വൈകിട്ടോടെ അസ്വസ്ഥത അനുഭവപ്പെട്ട കുട്ടിയെ പത്തനംതിട്ട ജനറല് ആശുപത്രിയില് എത്തിച്ചെങ്കിലും സ്ഥിതി ഗുരുതരമായതിനാല് കോട്ടയം മെഡിക്കല് കോളജിലേക്ക് മാറ്റുകയായിരുന്നു.
RELATED STORIES
ഡ്രൈവിങ് ടെസ്റ്റ് ഇന്നും തടസ്സപ്പെട്ടു; പലയിടത്തും പ്രതിഷേധം
9 May 2024 6:55 AM GMTചാലക്കുടി സ്വദേശിനി കാനഡയില് മരിച്ചനിലയില്; ഭര്ത്താവിനെ കാണാനില്ല
9 May 2024 6:15 AM GMTഎയര് ഇന്ത്യ എക്സ്പ്രസ് സമരം; ജോലിക്ക് എത്താതിരുന്ന ജീവനക്കാര്ക്ക്...
9 May 2024 6:12 AM GMTകനത്ത മഴ; കൊച്ചിയില് കേബിളുകള് പൊട്ടി ട്രെയിന് ഗതാഗതം താളംതെറ്റി
8 May 2024 4:23 PM GMTകാറപകടത്തില് പരിക്കേറ്റ ബിലീവേഴ്സ് ചര്ച്ച് അധ്യക്ഷന് കെ പി...
8 May 2024 4:14 PM GMTഒമാന് എ ഡിവിഷന് ക്രിക്കറ്റില് ഇനി മലയാളിത്തിളക്കം
8 May 2024 2:17 PM GMT