|    Oct 20 Sat, 2018 8:27 am
FLASH NEWS

കിളിമാനൂരില്‍ രണ്ടര കിലോ കഞ്ചാവുമായി പെരുമാതുറ സ്വദേശി പിടിയില്‍

Published : 20th September 2018 | Posted By: mtp rafeek

തിരുവനന്തപുരം: കിളിമാനൂരില്‍ സ്‌കൂളുകളടക്കമുള്ള വിദ്യാഭ്യാസ സ്ഥാപനങ്ങള്‍ കേന്ദ്രീകരിച്ച് വില്‍പനക്കായെത്തിച്ച രണ്ടര കിലോ കഞ്ചാവ് പ്രത്യേക അന്വേഷണ സംഘം പിടികൂടി. പെരുമാതുറ പണ്ടാരക്കാല പുറമ്പോക്കില്‍ ഷാജിദ് (32) ല്‍ നിന്നാണ് കഞ്ചാവ് പിടികൂടിയത്. കഴിഞ്ഞദിവസം വൈകിട്ട് കിളിമാനൂരിന് സമീപം ചൂട്ടയില്‍ വെച്ചാണ് ഇയാള്‍ പോലീസിന്റെ വലയിലായത്.

കിളിമാനൂരിലെ കഞ്ചാവ് കച്ചവടക്കാര്‍ക്ക് കഞ്ചാവ് എത്തിച്ചിരുന്നത് ഇയാള്‍ ആയിരുന്നു. ഇരുചക്രവാഹനമോ മറ്റ് സ്വകാര്യ വാഹനമോ ഒഴിവാക്കി പൊതുഗതാഗത മാര്‍ഗത്തിലൂടെയാണ് ഇയാള്‍ നിരന്തരം കഞ്ചാവ് എത്തിച്ചിരുന്നത്. വളരെ നാളത്തെ പോലിസ് നിരീക്ഷണത്തിനിടയിലാണ് കഞ്ചാവുമായി പ്രതി പോലിസിന്റെ വലയിലായത്. കിളിമാനൂര്‍ ഇന്‍സ്‌പെക്ടര്‍ പി അനില്‍കുമാര്‍, എസ്‌ഐമാരായ ബി കെ അരുണ്‍, ഷാഡോ എസ്‌ഐ സിജു കെ എല്‍ നായര്‍, തിരുവനന്തപുരം റൂറല്‍ ഷാഡോ ടീം അംഗങ്ങള്‍ എന്നിവരുടെ സംഘമാണ് പ്രതിയെ പിടികൂടിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss